Ka rukom pynïaid kali ha Jowai ha ka sngi thep bad ñiew Vote

0

Jowai, Rymphang 26 : Shi bynta ban wanrah ka jingsuk ha ka leit ka wan ki nongtrei ha ka kam Election sha ka Meghalaya Legislative Assembly Election 2023 ban poi suk sha ki jaka thep vote ha manla ki Polling Stations ha ka 27 tarik u Rymphang, 2023 bad kumjuh ha ka sngi ñiew vote jong ka 2 tarik u Lber, 2023 (counting day).
Na ka liang u Superintendent of Police, West Jaiñtia Hills ula pynbeit ïa kane ka rukom pynïaid kali kiba long kumne la buh No-Entry na Thomas Jones shaduh D.C Ophis. Kumjuh na Tpep-Pale sha Iawmusiang, na u surok Mission Compound shaduh Iawmusiang/ D.C Office. La khang No-Entry kumjuh na H.K. Singh shaduh D.C Office bad na stan Dawki sha D.C Office.
Baroh ki kali ba wan na Riatsiatsim kin liet khun sha sha Mynthong District Library, ki kali ba wan Khimmusniang/ Jrisalein kin ïaid na u surok Chutwakhu.
Katba ki kali ba wan na New Hill kumjuh na surok Shillong kin leit khun sha u surok Kynruh Saphlang bad na Thomas Jones. Lashai ka sngi 27 tarik baroh 4 tylli ki jaka pynïeng kali (parking lots) kiba don Iawmusiang ki dei ban long kiba thylli naduh ka por 2 waje janmiet shaneng.

Leave A Reply

Your email address will not be published.