Jowai, K’lyngkot 16: Kum ka lad ban pynpaw pyrthei ïa ka jingbha jong u Soh Ñiamtra uba mih naka shnong Narwan East Jaiñtia Hills District. Na ka liang ka Narwan Multipurpose Co-Operative Society Ltd. Mynta ka sngi kala pynbna paidbah ba kin pynlong ïa ka ‘Narwan Orange Festival’ haka sien kaba nyngkong eh.
Ïa kane ka Tamasa yn pynlong ha Madan Mooknor Narwan East Jaiñtia Hills kaba jngai kumba 90 km na nongbah Shillong bad 30 km na Jowai, ka ban long ha ki ar sngi kata haka 30 tarik bad 31 tarik u Kyllalyngkot 2024.
Na ka liang ka Miss. Sookini Sutnga kaba dei ka Director jong ka ‘Narwan Orange Queen’ bad ka thei bha briew kaba la ïoh bat ïaka Miss Tourism Queen World Wide East India 2018 bad ka Miss India International 2022.
Ha ka jingkren sha ki lad pathai khubor kala ong ha kane ka Tamasa kan don naduh Marathon, Cycle racing, ka Awareness Programme, ka Trekking, Film Screening (NUKSA) bad ka Fashion Show bad kan don ruh ka jingpynbyrnia da ki nongrwai kiba kynthup ïa ka Lily Sawian, ka kynhun Colour bad DJ Meban nalor kiwei de.
Kum shi bynta ban rakhe ïa kane ka Tamasa kan don ka Beauty Pageants ha kaba ki kynthei napoh ka jylla ki lah ban ïashim bynta. Nalor kane kin don kiwei de ki Artist, ki kynhun tem bad ka jingsam ïa ka khusnam ha ka sngi ba ar jong kane ka Tamasa.
Ha kaba ïadei bad ka jingïakop thei bhabriew Miss Narwan Festival 2024 ha kaba yn leh ïa ka Audition haki ar bynta kata ka online bad offline, ïaka offline kila dep ban leh ha kane ka 13 tarik, katba ïa ka online kan kut haduh ka 18 tarik u Kyllalyngkot, kiba shah jied kin ïoh kiew ha ka rynsan jong ka Grand Finale jong kane ka Festival haka 31 tarik.
U Waheh shnong ka Narwan u ma Lamsuk Langstang ula ong ba ka jingthmu jong ka jingpynlong ïa kane ka tamasa ka long ban pyntip shuh shuh ïa ki paidbah ba najan bad jngi ïa ka jingbang bad ba shngiam jong u soh ñiamtra katei ka shnong bad uba kham pher kumjuh ban pyni ïa ki jingitynnad ki sawdong sawkun jong ka maraing ha katei ka thaiñ.
Katba u ma Leo Shadap Secretary Narwan bad ka tamasa ula ïathuh ba ha kitei ki ar sngi jong ka tamsa yn don ki jingïalehkai Sports bapher bapher bad ki prokram ai jinghikai, halor kane kiba kwah ban ïashim bynta ki lah ban phone ha u No: 7005604655/8014825246.
