Ka kot halor ka jingwan u Swami Viveknanda sha Shillong ha u snem 1901

0

Shillong, Naiwieng, 17: Mynta ka sngi la pyllait paidbah ïa ka kot kaba la ai kyrteng “Swami Viveka-nanda and Shillong” ha ka jingïalang ha Shillong Press Club, ïa kane ka kot la thoh da ka Malabika Bisharad ba u tei u riew khraw ka Ri India u la poi ha Shillogn ha u snem 1901 bad sah ha Laban.
Katkum kane ka kot la sngewthuh ba ka jingdon u tei u riew khraw ha kane ka nongbah Shillong ka long kumba 20 sngi bad ha kane ka jingdon jong u la ïa kynduh ïa u riew khraw ka ri Khasi u Babu Jeebon Roy u ba dei u wei na ki nongseng ïa ka Seng Khasi ha u snem 1899.
Ha ka jingkren jong ka tei ka nongthoh haba ïa dei bad kane ka kot, kala ong ba dei ha u snem 1961 ba ka Ramakrishna Mission kala thoh ïa ka jignthoh kaba ong dei hangne sah u Swami ha u snem 1901 haba u wan sha Shillong.
Ka Malabika ka la thoh kylleng sha ki bor sorkar ha ka sorkar jylla bad kum juh sha ka sorkar pdeng ba kyntu ba ïa kane ka jaka dei ban pynneh pynsah kumba ka long da kaba ithuh noh ïa ka kum ka jaka kyrpang, kaba sngewsih kala ïathuh ba ka don ka jingïaleh mukotduma ïa kane ka jaka.
Ha dien ka jingwan jong u Swami ha u snem 1901, kane ka kynhun Ramakrishna Mission kala sdang ïa ki jingtrei kam jong ka ha ki lum Khasi ha u snem 1924 ha shnong Shella da kaba sdang ïa ka skul miet.
Na ka daw jong u jumai bah bala khih ha u snem 1897 kala pynjop ïa shibun ki jingtei ha kane ka nongbah Shillong bad ïa kane la ïohi ha ka por ba u Swami u don ha Shillong bad ha katei ka kor ka jingdon ki briew ha kane ka nongbah Shillong ki don 9,621 ngut.

Leave A Reply

Your email address will not be published.