Nongstoiñ Nohprah 14: Satang shiphew sngi ngin sa ïakynduh ïa ka sngi Khristmas kaba suk ba kmen kaba dei ka sngi jong ka jingwan longbriew jong u Nopngpynim jong ngi u Jisu Khrist hynrei haba phai ha ka jinglong jingman jong ki ïew ki hat haduh mynta ka sngi ka dang kynjah jar jar.Ki nongshong dukan, ki nongdie madan naduh ki basa die soh, jhur , ki mar bam mar dih, ki jaiñ ki nep bad kiwei kiwei ki dang kynjah jar jar.
Haba poyrshang ban twad jingmut na kiba bun ki nongshong die jingdie hapoh ïew Nongstoiñ ym don satia ki nongshong dukan ne ki nongdie madan kiba pynpaw ïa ka jingkmen ne kiba ong ba ka ïew ka hat ka ïaid beit hynrei tang kiba ud ba nam ba ka ïew ka hat kam long satia, ki mar ki mata ki shu sah kut ym don nongthied , ki mar pyut kum ki sohsaw, ki jhur ki jhep bad haba la buh slem ki pyut noh bad ka la wan rah ïa ka jingduh nong kaba jur.
Kawei na ki longkmie ka la ong ba ka naduh u snem 2020 haba ka sorkar ka la pynjari ïa ka jingkhangdam na ka jingwanlynshop jong u corona ka kamai ka jih ka la hiar shaba palat, ka bylla ka sngi ruh kam thikna shuh bad dei na kane ka daw lehse ba ka khaï ka pateng ka ïoh ka kot ka sa hiar kynsan haduh katne.
Haba ïakren pat bad ki riew paitbah ki la ong ba naduh ba ka sorkar ka la pyrkhing ban tih bad shalan dewïng ka jinghiar ka ïoh ka kot ha West Khasi Hills ka la long kaba shyrkhei bha .Nalor kata hadien ba la khang ban tih bad shalan dewïong ka sorkar ka la pyrshang ban tuklar sa ïa ka kam tih maw , khat shyiap, thang rnga hynrei kam don pat da kiwei ki lad ban pynïoh bylla ïa ki paitbah.
Ki la ong ruh ba wat ka jingbylla shispah sngi ruh ka la dkoh haduh katta katta kumta ki paitbah ki la nag ring duk bad ringsdot ha baroh ki liang.Ki la ong ruh ba lada ka kamai kajih ka ïoh ka kot kan dang neh kumba ka long mynta palat marsiteng ki paitbah nongshong shnong ka West Khasi hills kin sa mad ïa ka jingkyrduh bam kaba jur.
