New Delhi, Naitung 04: 10 tylli ki jubab katkum ki mat kiba ïadei bad ki jingïalam bakla ha ki social media
Ka jingsngewthuh bakla ïa ka “10,000 litar ka um
KA JINGKAM: “Ban pynmih 1 litar ka ethanol donkam 10,000 litar ka um” – KA BYM SHISHA
KI JINGSHISHA:
Ki nongrep ki rep ïa u khaw bad u kew namar ka MSP bad ka jingthied ba la pynthikna da ka FCI na ka bynta ka jingpynbiang bam – ym namar ka jingdawa ethanol. Tang ïa u khaw uba la tam, uba la ai jingmynjur da ka DFPD hadien ba la pyndep ïa ki jingdonkam jong ka jingpynbiang bam ha ka ri, la pynkylla sha ka ethanol. Ban ong ba yn shim lut baroh ka um kaba donkam na ka bynta ka kam rep bad pyndonkam ha ka jingpynmih ethanol ka long kaba bakla.
Ka jingpyndonkam um ha ka jaka shna ethanol: tang 3-5 litar ka um ba la pynkhreh ha ka shi litar ka ethanol.
Ki karkhana treikam kiba mynta ki pyndonkam da ka teknoloji Zero Liquid Discharge (ZLD) ban pyndonkam biang ïa ka um.
U riewhadem – mynta palat 40% na ka jingpynbiang EBP ethanol -donkam ban ai um tang ha ka ~29% ka jaka rep bad u pynmih 360-400 litar ka ethanol na ka shi ton. Ka MSP jong u riewhadem ka la kiewna ka ~T. 1,300/qtl shiphew snem mynshwa sha ka ~T. 2,400/qtl, kaba ai jingmyntoi ïa ki nongrep ban kynriah noh na u khaw uba donkam bun ka um.
Ka jingsngewthuh bakla ïa ka “Ka sienjam bym pat pyrshang”
KA JINGKAM: “Ka E20 ka dei ka jingpyrshang kaba don jingma kaba ka India ka pyrshang ha ki nongshong shnong jong ka” – KA BYM SHISHA
KI JINGSHISHA:
Ka ethanol ka la ai bor ïa ki kali la palat shispah snem. U Henry Ford u la khot ïa ka “ka umphniang jong ka lawei” – ka Model T jong ka snem 1908 ka lah ban ïaid da ka ethanol kaba khuid, ka gasoline, umphniang sharak lane kano kano ka jingkhleh lang.
USA: Ka E10 kadei ka umphniang ba la buh; Ka E15 ka nang kiew da ka jingkyrshan jong ka Sorkar US; da ki million tylli ki Kali Flex Fuel ki ïaid haduh E85.
Ka Brazil: ka pyndonkam ïa ka E27 mynta ka sngi bad ka la rai ban kyntiew ïa ka sha kumba 35%. Palat 80% na ki kali kit nongleit nongwan kiba thymmai ki dei ki kali Flex Fuel.
Ka Canada, Thailand, Japan (E10) bad katto katne ki ri Europe ki la pdiang ïa ka jingkhleh ethanol.
Ka prokram E20 jong ka India ka ïahap bad ki rukom treikam ba bha tam jong ka pyrthei – ym ka jingïaid lait noh na ka.
Ka jingsngewthuh bakla ïa ka “jinghiar kaba jur ha ka jingïaid jngai ki kali”
KA JINGKAM: “”Ka E20 ka pynlong ïa ka jinghiar kaba jur ha ka jingïaid jngai jong ki kali” – KABA IALAM BAKLA
KI JINGSHISHA:
Ki jingpyrshang ba bniah ba la ïalam da ka ARAI (bad ka IOCL, IIP-Dehradun bad ka SIAM) ka ïaid 40,000 km ha ki kali bad 20,000 km ha ki kali ar shaka bad kim shym la pyni ïa kano kano ka jingktah kaba sniew. Kano kano ka jinghiar jong ka jingtreikam kaba la ïohi ka long tang kaba rit.
Ka jingïaid jngai ki kali ka shong ha ki daw kiba bun nalor ka jaitumphniang: ki rukom niah kali, ka jingsumar (jingkylliang umphniang, ki air filter), ka jingbun lyer ha ka shaka bad jingpynbeit, bad kat na ka kit ïa ka lyer pynkhriat.
Ka octane kaba heh jong ka Ethanol (~108.5 RON pyrshah ïa ka 84.4 jong ka petrol) kamut ba ki kali ba la pynkylla na ka bynta ka E20 ki ai ïa ka jingpynstet kaba kham bha bad ka jingïaid kaba kham bha – kaba kongsan ha ka jingñiah kali ha sor. Ka jingdonkam ïa ka jingkhluid kaba kham heh shuwa ba kan kylla tdem ka pynpjah ïa ka intake, kaba kyntiew ïa ka jingkhleh jong ka lyer bad ka umphniang bad ka jingseisoh.
Ka jingsngewthuh bakla “Ka ktah bad pynsarang ïa ka enjin”
KA JINGKAM: “”Ka E20 ka pynsniew bad pynsarang ïa ki bynta jong ka enjin” – KA BYM SHISHA
KI JINGSHISHA:
Ka Sorkar ka la bynshet ha ka ARAI ha u Nailur 2014 da ka jingwad bniah kaba kyrpang halor ka jingïadei jong ki tiar bad ka jingpynmih tdem bad ka E20, kaba la pynlong bad ka IOCL, IIP-Dehradun bad ka SIAM. Ki jinglap: Ym don jingeh ha ka jinglah ban ñiah ïa ka kali, jinglah ban sdang, ka jingïahap bad ka nar ne ka jingïahap bad ka plastic.
Tang ha ki katto katne ki kali kiba la rim, katto katne ki bynta ba dei da ka jri bad ki gasket ki lah ban donkam ban bujli kham kloi – kam tam ïa kane.
Ka jingpynmih ïa ka Carbon monoxide ka la hiar ~50% ha ki kali ar shaka bad ~30% ha ki kali saw shaka; ki hydrocarbon ki bym pat thang ki la hiar ~20% haba ïanujor bad ka petrol.
Kano kano ka sienjam ha ki por ban wan kaba palat ïa ka E20 kan jia tang hadien ka jingtest bad jingpynshisha kaba bniah ïa ka ARAI ha kylleng ki jait kali, da kaba ïamir jingmut bad ki nongshna kali.
Ka Jingsngewthuh bakla “Yn duh noh ka Insurance bad ka Warranty”
KA JINGKAM: “Ki kompeni insurance bad ki nongshna kali kin kyntait ïa ki jingkam lada phi pyndonkam ïa ka E20” – KA BYM SHISHA
KI JINGSHISHA:
Ki kompeni insurance bad ki OEM ki la pynshai ba ka jingpyndonkam ïa ka umphniang E20 kam don jingktah eiei ïa ka jingtreikam jong ka insurance ne ka jingpynthikna jong ki kali ha India.
Ka SIAM, haba kren na ka bynta ka karkhana shna kali jong ka ri India baroh kawei, ka la pynpaw shai ba ka jingïada warranty kan dang ïai bteng na ka bynta ki kali kiba ïaid da ka umphniang E20 kiba ïahap bad ki jingdonkam.
Ka PIB Fact Check ka la pynthikna ïa kane ka jingtip ba ïalam bakla kum ka bym shisha lyngba ka post jong ka ha ka X ha ka 16.06.2026.
Ka jingsngewthuh bakla “Ki dkhiew bad ki ngap ha ki bynta ba theh Umphniang”
KA JINGKAM:”Ka jaka buh umphniang ha ka kali ka khring ïa ki dkhiew bad ki ngap namar ba ka E20 ka don ka shini” – YM DONKAM KA JINGPYNBNA
KI JINGSHISHA:
Ka BPCL ka la bishar bniah ïa kine ki jingkam ba la saphriang. Ka science ka long kaba shai: Ïa ka ethanol kaba lah ban pyndonkam kum ka umphniang la pynmih lyngba ka jingpdem bad jingpynkhuid kaba pynduh ïa ki shini kiba sahkut ha ka umphniang kaba mih khatduh.
Ka umphniang ethanol ka don ïa ki dawai, kiba lah ban ïada na ki khniang. Hadien ba la khlehlang, ka jingsma ba jur jong ka petrol ka pynjah lut ïa kano kano ka jingsma ethanol.
Ka petrol ba la khlehlang bad ka ethanol ka pynmih kham duna ka lyer umphniang haba ïanujor bad ka umphniang ba ju pyndonkam man ka por.
Ym don ka jingkhring kaba lah ban ithuh ha ka umphniang E20. Ki jingkam kim don nongrim katkum ka jingstad saïan. (Ka jingpynshai jong ka BPCL ha ka X, 17.06.2026.)
Ka jingsngewthuh bakla ka “Sorkar ka khot ïa ka E20 kum ka jingpyrshang ha ka ïingbishar”
KA JINGKAM: “Ka Sorkar ka la ïathuh ha ka ïingbishar Supreme Court ba ka E20 ka dei ka jingpyrshang ban bishar bniah ha u snem ban wan” – KA BYM SHISHA
KI JINGSHISHA:
Ka jingbishar jong ka Supreme Court kam shym la ktah satia ïa ka jingbha jong ka Prokram EBP. Ka mat kaba ïadei bad ka jingbatai ïa ki kyndon jingïateh na ka bynta ka jingthied ïa ka ethanol da ki OMC na ki karkhana shna ethanol ba la pynkhreh kyrpang – ka rukom mang man la u snem bad ka kyndon ‘jingpyrshang kaba bha tam’.
Ka Office jong u Attorney General for India ka la pynmih ïa ka jingpynshai kaba bniah ha ka 30.06.2026, da kaba ong da ki kyntien kiba shai ba kano kano ka jingai jingmut ba ka Sorkar ka la batai ïa ka E20 kum ka “jingpyrshang” hakhmat ka ïingbishar ka long kaba bakla bad kam pyni ïa ki jingai jingmut ba la ai na ka bynta ka Union of India. Ka office jong u AGI ka la maham ruh ïa ki lad pathai khubor ba kin ai ïa ki khubor kiba shai shaphang ki kam kiba ïadei bad ka ïingbishar.
Ka jingsngewthuh bakla “Ka Um ha ki Tank Umphniang”
KA JINGKAM: “Ka E20 ka pynlong ïa ka um ban rung sha ki tank umphniang jong ki kali” – KA BYM SHISHA
KI JINGSHISHA:
Kumba la pynshai da u kyrwoh jong ka MoP&NG ha ka 23.06.2026: ka jingrung jong ka um ha ka tank umphniang kam long kaba bha na ka bynta kano kano ka umphniang – ba la khleh lang da ka ethanol ne da kumwei pat. Ki kali kiba mynta ki don ki jingpynwandur bad ki lad jingïada ban khanglad ïa ka jingrung ka um ha ki tank umphniang.
Ki jaka buh umphniang ba don hapoh khyndew ha ki jaka die umphniang ki don baroh ki tiar ïada kiba donkam – ki silica gel trap, ki gasket, ki sealant – ban khanglad ia ka jingrung ka um sha ki tank petrolg/diesel.
Ki Video thok “Khleh ka um pai ha ka Petrol”
KA JINGKAM: “Ki video kiba la saphriang ki pyni ïa ka um pai ba la khleh beit beit bad ka petrol, bad ka petrol ka ‘mih noh la kajong’- KA BYM SHISHA
KI JINGSHISHA:
Ka MoP&NG ka la kren shai ba kine ki jingkam ki long kiba ïalam bakla bad ki bym don nongrim. Ïa ka ethanol ba pyndonkam na ka bynta ban khleh lang bad ka umphniang la pynmih lyngba ki rukom treikam ba la pynskhem ha ki karkhana bad ka ïahap bad ki kyndon ba pyrkhing bha kiba ïadei bad ka jingbha shwa ban khleh.
Ki video kiba pyni ïa ka petrol “kaba mih noh la ka jong” ki dei kiba thok – la thmu ban pynsaphriang ïa ka jingbym shisha. Ka petrol ba la khlehlang bad ka ethanol kam ju ïakhlad lada kam don ka jingkhuid kaba palat.
Ka Jingsngewthuh bakla “Ki karkhana shna Ethanol ki buh jingma ïa ki nongrep & ïa ka mariang”
KA JINGKAM: “Ki karkhana shna Ethanol ki pynduna ïa ka um hapoh khyndew, ki pynjaboh, bad ki buh jingma ïa ka rep ka riang” – KA JINGSHISHA KA LONG DA KHONGPONG
KI JINGSHISHA:
Ki karkhana shna ethanol kiba mynta ki donkam ïa ka jingïoh jingbit ba ïadei bad ka mariang na ka MoEF&CC, ki dei ban bud ïa ki kyndon jong ka um hapoh khyndew, ki dei ban pyntreikam ïa ki lad Zero Liquid Discharge, bad ki dei ban treikam da ka bording kaba ïoh na ka biomass. Ka carbon jong ka ethanol ka long biogenic – ym don ka jingkiew ha ka jingpynmih carbon ha u pipe ma mih ka lyer na ka kali.
Bad ka rekod jong ka Prokram EBP na ka bynta ki nongrep bad ka ri (ESY 2014-15 haduh Jymmang 2026): Ka jingpynlang ïa ka pisa kaba leit shabar ka ri ka la tam ïa ka T. 1.90 lak klur. Ka jingsiew kaba stet palat ïa ka T. 1.60 lak klur sha ki nongrep. Ka jingpynmih CO? ka la pynduna kumba 930 lak metrik ton. Ka jingwanbujli ïa ka umphniang bym pat pynkhuid kaba palat 310 lak metrik ton.
Ka jingkhleh Ethanol ka la kiew na ka jingduna kaba 1.5% ha u snem 2013-14 (38 klur litar) sha ka 20% ha u Nohprah 2025 – la lah ban pyndep shwa ka por ba la buh – da kaba la thmu ban thied palat ïa ka 1,200 klur litar ha ka ESY 2025-26 bad ka bor ban buh kan long 2000 klur litre.
Tyllong: Tnad Petroleum & Natural Gas – “Ethanol Blending Programme in India: A Journey” | Naitung 2026
