Ka jingïarung ïaphet seng ka dei kaba ju jia hi ha ka saiñ pyrthei ong u ma Sniawbhalang Dhar
Halor ka jingpynïasoh u MLA barim ka Nartiang sha ka BJP
Shillong, Risaw 3: U Symbud Myntri Rangbah ka jylla bad National Vice President ka NPP u ma Sniawbhalang u la theh umpjah ïa ka jingleit pynïasoh jong u MLA ba rim ka Nartiang u bah Draison Kharshiing bad ki katto katne ngut ki nongbud jongu sha ka BJP da kaba ong ba kane ka jingïarung ïa phet seng ka dei kaba ju jia hi ha ka saiñ pyrthei.
Haba la kylli ïa ka jinglong jingman ka saiñ pyrthei ha ri lum Jaintia u ma Sniawbha u la ong “phi ïohi katno na ki ki pynïasoh ka lah ban jia mynta lashai ne la shisngi ruh ha kaba da ki hajar ngut kin wan pyniasoh sha ka NPP kumta ha ka saiñ pyrthei kane ka jingïarung ïa phet seng kam dei shuh kaba dang thymmmai ne kaba pynlyngngoh ïano re ïano.
Halor ka jingmih khubor ba ki MLA ka NPP ha Nagaland kin leit pynïasoh noh sha ka Naga Peoples Front u la ong “Wat khuslai kiei kiei baroh kin sa ïaid beit ïaid ryntih”.