Ka jingïapher hapdeng ka Democracy, ka Partycrazy bad ka Partyless Democracy

Ka DEMOCRACY ka long Ka bor Synshar jong u paidbah ban synshar dalade kumba ngi ju khot kyllum “Ka bor Synshar Synshar Paidbah” hapdeng manla iwei pa iwei katkum ka phang pdeng jong ka Sorkar halor ka bor Synshar kaba bat da ma ngi ki Paidbah, lada dei ba ka long beit shakhmat lane kumno ba ngin jied ïa kita ki Nongmihkhmat. Ka kyntien “DEMOCRACY” ka wan lyngba ki Greek words “demos” (Paidbah) bad “kratos” (Ka bor Synshar).
Halor ka DEMOCRACY Kum ki Paidbah ngi don ka hok ban kren bad pynpaw da jinglaitluid, bad ban lum jingïalang, bad ban mihpaw da jingpyni dur kumno ban sngewthuh bad ban pyni bor kum ki nongshong shnong kiba don ka jingïatylli ryngkatlang da jingïashimbynta halor kawei ka lynti kum ki Paidbah. Ngi don ruh ka jinglaitluid bad ka bynta bakhuid ban jied Nongmihkhmat. Ka Aiñ ka pyntreikam da jingïaryngkat kawei lang ïa baroh kum ki Nongshong Shnong bad ka bor Synshar ka sam bynta sha baroh ki liang jong ka Sorkar bad ka sorkar kadei ban long kaba shai ban pyntreikam da jingkhuid halor kumno ban jubab sha baroh tang kawei ka lynti. Ka jingïada halor ka hok jong ngi kum ki paidbynriew ritpaid hapoh ka Ri India ka long lyngba ki kynhun ki ban mih shakhmat ban ïeng ïada kum kawei lang ïa baroh. Kum ki kynhun Paidbah ba ngi mihpaw ngi lah ban shim ka rai pyrshah halor kano kano ruh ka phang kumba ngi shimrai ha kaba ngi jied ïa ki Nongmihkhmat katkum ka Riti Synshar Paidbah (Indian Constitution) jong ka Ri India kumba ka la aiti katkum Ka bor Synshar
bad ki bynta halor ki lynti ban ïeng.
Ka DEMOCRACY ka pdiang tang ïa ka jingïashim bynta jong ki Paidbah Nongshong Shnong bad ban ïada halor ka hok shimet ïa barohlang kumjuh da kaba jubab shai katkum ka phang bad jingshisha halor ka bynta kaba donkam bad kumno ban dang kyntiew kham shalor na bynta ki lad kamai kajih hapoh la ka jong ka Jylla pateng la pateng. Hynrei lada ngi peitbniah lyngba kabor jong ngi ki Paidbah bunsien ngi ju mad ïa ki jingeh halor jingbym ïatylli bad ban kdew kti hapdeng para mangi iwei ia iwei pat. Ngi wanrah ruh ïa ka jingkynthoh bad ban pynïapher khlem da ïajan shuh hapdeng para mangi da kaba ngi pynshongdor halor Ka bor Synshar shimet ba ngi don. Kane ruh ka wan halor ka kyntien Bamsap da kaba pyndonkam bakla ïa Ka bor Synshar jong ngi ki Paidbah khlem da lah ban pyntreikam da kaba shimrai tang ban shu pynlong kam kai da kaba khot shabar bad ban pynibor khlem da don ka nongrim kaba shisha lyngba ki Political Party. Ha baroh ki liang “Ka bor Synshar synshar jong ngi ki Paidbah DEMOCRACY” ka long ka bynta kaba kongsan kumba ngi angnud ban pynïaryngkat katkum Ka bor Synshar kumno ban ïada ha la ka jong ka hok bad ka jingshisha bad ban kyntiew shuh shuh kham shalor halor ka jingbit jingbiang jong baroh lang kum ki Paidbah Nongshong Shnong kiba don hapoh ka Jylla ne kumjuh halor ka pyrthei kumba ngi im.
Ki Political Party kiba pyrshang ban shimrai da lade na bynta ka jingmyntoi shimet ka jong ki kata kamut kadei kaba ki pyrshang ban pynkheiñ noh khlem da ñiewdor shuh ïa Ka bor Synshar synshar jong ngi ki Paidbah (DEMOCRACY) halor ka lynti kaba ngi dei ban jied katkum Ka bor Synshar ba la pynkhamti ne khlem da sngap shuh ruh halor kumno ba ngi dei ban kren. Haba ngi ïohi ïa ki Political Party kiba pyni ïa Ka bor Synshar ba ki don da kaba shu byrngem ne kynthoh markylliang ka long ka jingshim kabu tang ban myntoi shimet da kaba ïuhroit ïa ka hok jong ngi ki Paidbah kiba jied bad ruh da kaba pynkheiñ noh ïa kiba bun ki bynta jongki Paidbah kumba ngi don. Kane baroh kan ïalam sha ka lynti ban pynisih noh ïa ka mon laitluid jong ngi ki Paidbah bad ban rai hi noh dalade kum ka Political Party tang namar ka jingmyntoi shimet ban ïa ki Paidbah kumba ngi long ki nongshong shnong ba pura. Kane baroh kadei kaba ki leh kumno ban ïaid lait ïa ka hok shimet jong ngi ki Paidbah kumjuh ruh da kaba pynkheiñ ïa ka jinglaitluid bad ban pyntlot bor khlem da donkam ban peit ïa ka
jingdonkam tang namar ka jingdonkam shimet jong ka Party.
Kane baroh ka la wanrah da kaba pyrshang ban pynduh jingshaniah hapdeng jong ngi ki Paidbah bad ka Sorkar ruh kumjuh da kaba pharia ban pynïakhlad bad ka imlang sahlang. Kane ka long thik tang kumba ngi dang dei ban thaw thymmai ïa Ka bor Synshar Synshar jong ngi ki Paidbah tang namar ban shu pyni ïa ka jingtlot naduh kaba sdang khlem ki Nongïalam.
Ki Political Party kiba mynta shuh shuh ban kham pynkhlaiñ bor ki pyrshang ban ïuhroit noh ïa ka “DEMOCRACY” da kaba ki wanrah da kiwei pat ka jingpyrkhat kaba thymmai kaba la tip kum ka “Partycrazy” tang kumno ban pynbieit Paidbah na bynta ka jingmyntoi shimet da kaba ki pynklet ba dei ban bret noh ïa ka kaba long ka bor Synshar synshar jong ngi ki Paidbah. Ki pynkletnoh ruh ïa ka hok bad jingshisha jong ngi kum kita ki Jaidbynriew Ritpaid hapdeng baroh ka imlang sahlang jongki jaidbynriew bapher hapdeng ka Jylla bad ban pyndonkam bakla ïa Ka bor Synshar jongngi ki Paidbah tang ban myntoi shimet ka Party man la ka sngi. Kane baroh kadei kaba ki la ïaid lait noh katkum ki bynta jong Ka bor Synshar Paidbah bad ban wanrah ïa kata ka jingpynibor donbor shimet kum u Boss (Nonglilam) ym shuh kum u Nongïalam (Leader) bad ha ka ktien nongwei ki ong Dictatorship Rules And Regulations. Jingshisha kum ki Political Party kimdei ban pyni donbor da kaba lum Paidbah da kaba pynibor markylliang bad kane baroh ka long kumba pyni bor kylla ïangi ki Paidbah ne wat ban pynbor ruh kumjuh haduh ban pyntieng pynsmiej katba mon da kaba pynklet ïa Ka bor Synshar jong u Paidbah. Halor ka jingshisha ki Political Party ki dei ban shimkhia bad ban ailad halor ka Hok bad ka Jingshisha jong u Paidbah ban pyndonkam katkum ki bynta jong Ka bor Synshar ba la pynkhamti halor ka Ri Synshar Paidbah kaba long ka Ri kaba Laitluid halor ka bynta kumno ban wanrah kum ka jingkoit jingkhiah bad ban pyntreikam shisha lyngba ka DEMOCRACY. Ki Political Party kiba shimrai dalade halade na bynta ka jingmyntoi shimet ka jongki kata ka long shisyndon kumba ki wanrah ïa Ka Jingpharia Bad Synshar Donbor “Divide and Rule Policy” khlem da burom shuh halor kumno ban ñiewkor ïa ka Sur Jong U Paidbah.
Lada ki Political Party ki pyni bor tang namar ka jingmyntoi shimet khlem da ñiewdor ïa ka sur jong u Paidbah ka lah ban ïalam shaduh ka lynti ban pynisih noh halor ka lynti kaba ïaid kum ki Nongshong Shnong kiba don jingkitkhlieh (concerns citizens) bad ban beiñ ban khoh katba mon haduh ki Social Media ne ki lynti synkien bad kiwei kiwei ruh kumjuh. Kane ka long kumba wanrah ïa ka Artificial Politic lane ban pharia shipor halor ka jaidbynriew bad ïai theh umphniang tad ynda ka la duna. Ban phong ia jingshaniah tang shipor kum ka political institution. Ban pyndom briew bad ïashun khlem jingsalia haduh ban wanrah ïa ka huri hura. Ban pynkulmar Paidbah da jinglum paid ban ïakhun sorkar halor ka imlang sahlang. Ban pyrshang ban pyndam ïa ka DEMOCRACY da kaba wanrah jinghikai. Ban pyni ba donbor tang marwei kum u Nongsynshar katkum ka lynti ba ïalam. Ban pynklet noh ïa ki kynhun Paidbah halor ka imlang sahlang. Ban pyni donbor tang shipor halor ka lynti kaba jrong jong u Paidbah Nongshong Shnong. Ban pynjot pynpra noh ïa ka dor jong u Paidbah kaba long kum ka jaiñphong kaba kup kyrpang. Ban khlem da burom shuh ïa ka Sur jong u Paidbah.
Ki Political Party kiba mareh jyndat ban leh donbor haduh wat ban pynïashun Paidbah da jingpharia jaidbynriew bad ban ïuhroit ïa Ka bor Synshar jong u Paidbah (DEMOCRACY) khlem da pyrkhat shuh junom aïu kan jia. Ka long shisha kaba sngewtieng halor ki Political Party ban pynsngew bad kumno ban wanrah ïa ka jingshimkhia jong u Paidbah na ka bynta ban tei pat ïa ka jingshaniah hapdeng para mangi bad kumno ban ïeng tylli lang kum ka bynta kaba shongdor hapdeng ka imlang sahlang kaba ïaryngkat kum Ka bor Synshar jong u Paidbah.
Ki Political Party kiba ïeng pyrshah ïa ki kynhun Paidbah halor ka imlang sahlang kumba kidei ban jied ne ïeng ïada kata kamut ba ki pynkheiñ noh ïa Ka bor Synshar jong u Paidbah (DEMOCRACY). Lada ki Political Party ki ïeng pyrshah ïa ka bynta kaba la jied lyngba ki kynhun Paidbah halor ka jingmyntoi lang baroh kum ka imlang sahlang kan pynpaw ïa ki sha ka: Jingpynkheiñ noh ïa ki bynta kiba bun kiba don halor Ka bor Synshar jong u Paidbah (DEMOCRACY). Kan pyndam ïa ka jingshaniah Paidbah bad ban punduh bor ha baroh ki constituency ki jongki. Kin hap ban wanrah biang ïa ka jingïatylli hadien ba la pharia bad ban thaw thymmai ïa ki jingïakhun jong ki. Jar jar napoh kin hap ban leit ïakynduh pat ïa ki kynhun Paidbah kiba la ïaid lait shipor kumjuh haduh ki Paidbah nongshong shnong. Ban pynlong jingïalang tang shipor katkum ki bynta ba ki la ïeng pyrshah khlem da shongthait haduh ba la wanrah ïa ka huri hura. Ban ïohi ïa ka jingïeng ka Aiñ lane haduh ban hap donkam ban jubab. Ka jingpang kaban pynlong kum ka jingmynsaw da kaba duh noh ïa ka jingkyrshan ki Paidbah. Ban thaw ïa ka jingpharia hapdeng para maki bad ban pynïapher hapoh la kajong ka party jongki. Ban ïohi ïa ka jingsiat jong ki Paidbah haduh ban hap pynthymmai ïa ka jingkhot ïa ka DEMOCRACY bad ka jingsynshar kaba khuid.
Jingshisha kalong ka bynta kaba donkam ba ki Political Party kidei ban burom ïa ka jingshimkhia jong ki kynhun Paidbah watla dei ba kim sngewtynnad ruh ban pdiang da jingïatreilang halor kumno ban pynbit pynbha ïa ka Ri Synshar Paidbah katkum Ka bor Synshar jong u Paidbah da jingshaniah bad ban kiar ïa ki jingpyrkhat bakla ne haduh ban pynshoh biet ïa ki Paidbah da Ka bor Synshar shimet ka bymlah ban shongdor. Lada ki Political Party ki pyrshang ban pyni bor lane wat ban ïaid lait na ki kynhun Paidbah kata kamut ba ki la pynkheiñ noh ïa ka bor Synshar jong u Paidbah lane haduh wat ban pynklet shimet kum u Paidbah da kaba pyni kumno ban ïeng pyrshah katkum ka jinglong jong U Boss lane ka Sur jong u Boss uba la ïeng ban kren pyrshah bad kane kan long ka bynta ka ban ïalam haduh Ba ki Paidbah kidei ban long ki Nongbud jong u Boss jongka Political Party bad ba ki dei ban kren pyrshah da jinglaitluid katkum ki kyntien ba la dep pynkhluid lyngba u Boss bad ruh ki Paidbah kiba long ki Nongbud jong u Boss kidei ban ïaid lait na ki kyntien jong ka jingsngew rit paid. Ki Paidbah ki dei ban ïeng ïakhun pyrshah ïa ka dor jong ka Synshar laitluid dalade kum ki Paidbah (democratic) hapdeng ka imlang sahlang. Kum Ki paidbah ki dei ban pynibor bad ban pynthut lada don kiba ïeng pyrshah kum ki nongshun. Ki Paidbah kidei ban sngap jar da jingailad tang khyndiat ki ban long ki nongpyntip bad ban shimti ïa ka bor Synshar jong ka Political Party. Ki Paidbah ki dei ban maham tyngeh halor ka jingdondor jong kiwei kiba kren pyrshah. Ki Paidbah kidei ban thaw ïa ka rukom pyrkhat Khasi kumno ban pyntieng bad ban sngap jar. Ki Paidbah kidei ban pynkheiñ noh ïa ka hok jong u paidbynriew (Human Rights) bad kumjuh ban pyndam ïa ka jinglaitluid halor ka Riti Synshar Paidbah. Haba ngi pyrkhat bha ïa kitei baroh ngi donkam ban kyntiew ïa ka rukom pyrkhat kyrpang kum ka jaidbynriew da jingstad lyngba ka burom bad ban kren shakhmat katkum ki jingïohi jngai kiba don dor na ka bynta ban ïeng ïada bad kine baroh kin hap ban rung da kaba kynthup: Ka jingkren laitluid katkum ki kyntien bad pynpaw. Ka hok banlum bad pyrshah da jingsuk. Ban pdiang da jingtip kiba biang bad ki bynta ba kongsan. Ban ïeng ïada na ki jingshah pynbor bad jingshah pynthut. Kumno ban lumlang halor kawei ka mat bad ban pynpaw katkum ka dur kaba dei. Ka jingtreikam kaba khuid bad kaba shongdor da jingshai katkum Ka bor Synshar. Ban aibor markylliang da jingïaryngkat khlem da thew shilliang katkum ba kadei lyngba ka sur jong u Paidbah. Ban kyntiew ïa ka jaidbynriew da jingïatylli bad sngewthuh jingmut ha baroh lang kumjuh. Ngi dei ban kynmaw ba Ka bor Synshar jong u Paidbah halade (DEMOCRACY) kaba koit ba khiah kan dang kyntiew shalor man kapor katkum ka sur ba ngi long. To ngin dang kyntiew lang baroh da jingshongdor, ban burom iwei ïa iwei pat bad kumno ban wanrah ïa ka jingïathir ïatai markhmat halor kiba bun ki liang jong ka Jaidbynriew. Ngi donkam mynta ban wanrah ïa ka jingpyrkhat pyrdain kaba thymmai haba kumne ngi sakhi hapdeng para mangi haba ngi ïohi manla kawei pa kawei ka Political Party kaba pyrshang ban synshar donbor hapoh ka Jylla Jong ngi bad ngi donkam da ka jingtiplang kaba pura hapdeng ka Imlang Sahlang jong ka jaidbynriew Hynñiewtrep ne wat kiwei ruh ki Jaidbynriew kiba long ki Nongshong Shnong Pura jong ka Jylla Meghalaya kum kita ki Nongjied ïa ki Nongmihkhmat ban ïeng skhem noh halor ka PARTYLESS DEMOCRACY (Kaba long Ka bor Synshar Synshar Paidbah ka bymdonkam ïa ki Political Party). Kum ki Paidbah manla ki por ngi ju ïohsngew ïa ka jingud jingnam hapdeng ka jingïakynduh jingeh tang namar ki Political Party kiba synshar donbor. Ki Paidbah shimet ki lah ban jied ne treikam khlem da donkam ban rung shapoh ki ophis jong ki Political Party na ka bynta ban ïohi ïa Ka bor Synshar Paidbah kaba shongdor bad ïaryngkatdor. Kum ki Paidbah ngim dei ban shimrai lyngba ki Political Party lada dei halor kano kano ruh ka jingeh kaba ngi ïakynduh namar ki Political Party bunsien ki pyrshang ban pyndam ia Ka bor Synshar Paidbah bad ban wanrah da kabor synshar dalade khlem da niewkor shuh iangi ki Paidbah kiba long ki Nongjied katkum Ka bor Synshar. Kum ki Paidbah haba ngi mih halor kano kano ruh ka kynhun kaba long jong ki Paidbah ban trei ne kren halor ka jingeh jong ki Paidbah kata kamut ba ngi iengskhem halor ka Bor Synshar jong U paidbah hapoh ka Ri Synshar Paidbah jongka Ri India bad kaba ngimdei ruh ki Political Party bad mynta ngi hap ban pynbna noh hapoh la ka jong ka Jylla da ka PARTYLESS DEMOCRACY haba ngi dei ban kren ïa kano kano ruh ka issue kaba jia hapoh ka Jylla. Kum ki Paidbah lada ngi dei ban jied ïano ïano ruh kum ki Nongmihkhmat ngi dei ban sngewthuh shai ba ngi khlem jied Political Party hynrei ngi jied ïa ki briew kiba lah ban long ki nongmihkhmat halor ka hok jong u paidbah katkum ka dur bad ka sur ba ngi don halor ka Ri Synshar Paidbah. Ngi dei ban shim kumba ka paw pyrthei halor ka PARTYLESS DEMOCRACY bad ba ngin shemphang janai ruh kum hapoh ka Ri lajong kaba ngi dang don hapoh ka Indigenous Governance Systems (Ka Synshar Khadar Halor Ka Jaidbynriew Ritpaid kaba Kyrpang) bad lada kane kan duh noh bad da kiwei lashai hadien kin wan ban synshar kata ka mut ngim donkam shuh ban buh jingkylli namar naduh mynta ngi la ïohi lypa ïa ka jubab haba ngi don ha ka bor synshar kum ki Paidbah ban jied nongmihkhmat hapdeng ka Bri U Hynñiew Trep Jong ngi pynban ngi shah ban beiñ bad ïuhroit noh ha la ki jong ki Para Ri. Pule nuksa ïa ka jingthoh kaba kdew shai katkum ka “The City of Buenos Aires, Argentina” kaba la sdang ban mih Paidbah da ka PARTYLESS DEMOCRACY naduh u snem 1996 bad ban pyni shai ba ki Paidbah ki jied ïa ki Nongmihkhmat khlem da donkam ïa ka Political Party bad kaba la wanrah ïa ka jingshongsuk shongshngaiñ kum ha la ka jong ka ïing ka sem khlem jingshah pynthut. Kumjuh lada ngi pule ruh ïa ka jingthoh “The State of Nebraska, USA” bad kane ruh kumjuh ka ïaid haduh ym lah shuh ban batai haduh kat mynta ki sngi ïa ka jingshongsuk ki Paidbah hapoh katei ka Jylla kaba don hapoh ka Ri USA. Kumta, mynta ki por hapoh ka Ri India ruh kumjuh ynda haba ngi sakhi ïa jingshah synshar donbor lyngba ki Political Party bad lada ngi phai ha manla ka Jylla khamtam hapdeng la ka jong ka Jylla ngi donkam mynta ban ïatai sani tang hapdeng para mangi kum ki Paidbah ki bym pat don Political Party ha ka ban wanrah ïa ka PARTYLESS DEMOCRACY hapoh la ka jong ka Jylla Meghalaya ban ban pynsngew sha baroh kawei ka Ri India. Ka PARTYLESS DEMOCRACY ka long kawei napdeng ki mat kiba donkam bha ha kum kane kapor ba mynta namar kum ki Paidbah ngi shah pyndonkam bakla ha manla ki liang kiba bun lyngba ki Political Party bad namar ka jinglynga pisa ka jong ngi ngim banse ban leit shata wat haba ngi ïohi ruh ïa ka jingshah synshar donbor ne haduh wat ban mih ruh da u Boss ban ïalam. Manla ka sngi la ju ïohi paw lyngba ki Social Media ban beiñ briew katba mon haduh ban khlem da salia watla hapdeng para jaibynriew ba ngi don tang namar ba ngi shah ïalam bakla ha ki Political Party kiba pyrshang ban synshar donbor.
Ngi dei ban sngewthuh shai bad shemphang ba Ka bor Synshar Synshar Paidbah kadei ban don khlem ki Political Party (PARTYLESS DEMOCRACY) bad ka long ka bynta kaba kongsan ïa ki briew kiba shimkhia halor ka hok ban ïeng ïada namar ka lawei jong ka imlang sahlang pateng la pateng. Ngi donkam mynta ban tei skhem katkum ka jingiohi jngai ka jongngi halor ka sur ki Paidbah bakhuid bad kiba shimkhia ha kaba ngin hap ruh ban thaw pura kylleng sawdong jongki Shnong bapher bapher kum ka “People’s Village Committee” khlem da kynran dien lada ngi pyrkhat skhem halor ka jingshah synshar donbor da kaba shah ïuhroit ïa ka hok jong Ka bor Synshar synshar Paidbah ha ki Political Party naduh ka Pule ka Puthi, Ka kamai kajih, ka treikam treijam, Ka khaïi ka pateng bad kiwei kiwei haduh ba ka la wanrah ïa ka jingkyrduh kam kyrduh jam hapoh la ka jong ka Jylla bad lem kumjuh lada ngi phai sha ki lad ai jingsumar sukher jongka Sorkar kaba la shu long noh tang ban wanrah ïa ka jingma jingmynsaw ïa baroh ki Paidbah kiba leit ban shim dawai. Ka PARTYLESS DEMOCRACY Ka long kawei ka lad bad ka lynti kaba kum ki Paidbah nongshong shnong ki lah ban shim ïa ka rai khlem da donkam ban peit Political Party ne Politicians. Kumta ngi dei ban sngewthuh ba ka jingdonkam ban wanrah ïa ka jingïohi jngai bad ban pyrkhat sani khlem da donkam ban shah ïalam bakla kum ki Paidbah katkum ka thong kumba ngi mut ne ïohi “PARTYLESS DEMOCRACY” Ka jingïohi jngai katkum ka PARTYLESS DEMOCRACY ka long ban pynkhambor ïa ki Paidbah manla iwei pa iwei ban shim ïa ka rai dalade na bynta ka lawei jong ki longdien mandien bad kumno ban shimkhia khlem da shah ïalam bakla ha ki Political Party junom la junom da jinglaitluid, ong u Bah Banshai Marbaniang Meghalaya Awaken Concern Citizens.