Ka jingïalang bah ka HSPDP Rambrai Jyrngam ha Tynghor

0

Nongstoiñ, K’lyngkot, 17: Na ka bynta ban pynkhlaiñ biang ïa ka party shwa ka election ka ban sa long shen, ki nongïalam ka Hill State People Democratic Party Rambrai Jyrngam Constituency kum ka jingsdang jong ka jingpynshai paitbah, kin pynlong ïa ka jingïalang ha ka shnong Tynghor ha ka 19 tarik mynta u bnai.
U bah K.P.Pangñiang President rangbah ka party, u la ong ba ka jingïalang ha katei ka sngi kan long tang na ka bynta ka ki polling station kiba hap ha ka Tynghor area. Kumta u la kyntu ruh ïa baroh ki nongkitkam, ki nongkyrshan ba kin ïa wan ha katei ka sngi khnang ban ïatai bad phylliew jingmut, kumno ban wanrah biang ïa ka jingjop ha ka election ban wan.
U bah Pangñiang u la ong ba ka jingthmu jong u ban ïaleh biang ïa ka election, kam dei ba u kwah hi hynrei ka dei ka jingkyrpad jong ki nongkitkam bad ki nongkyrshan baroh, ba u dei ban ialeh biang sa shisien, namar ki paitbah bad ka constituency ki dang I donkam ïa u.
U la ong ruh ba u la pyrshang ban pynsngew-thuh ïa ki paitbah ba ka jingshah rem bad ka jingkyntait jong ki paitbah ha ka election ba la dep, ka lah ban dei ba ha ka jinglong nongmihkhmat jong u ki don ki jingduna, ki jingbakla kiba long pynban ki maw jynthud ïa ki paitbah te ka bha ba un ym ïaleh shuh. Hynrei ki paitbah pat kim shah, kumta u hap ban kohnguh ïa kaei kaba ki paitbah ki kwah.

Leave A Reply

Your email address will not be published.