Ka jingbujli ba nyngkong ïa ka Alloplastic Jaw ha thaiñ shatei lam mihngi ka India la leh ha Supercare Hospital

Shillong, Naiwieng 6 : Kawei ka briew ba 24 snem ka rta na West Khasi Hills, Meghalaya ka la wan ha ka department Oral and Maxillofacial Surgery (OMFS) ha Supercare Hospital, Shillong ha ka 24 tarik u Risaw, 2022 ryngkat bad ki jingbatai ba ka don ka jingpang bajur ha ki Bilateraltemporo-mandibular joints (TMJ) kiba dei ki joint ba khih kiba pynïasoh ïa ka bynta ba ha trai ka shyntur sha ka bynta ka khlieh. Ka don jingeh ban bam bad ktha jingbam, ka jingjynjar ban plie bad khang ïa ka shyntur bad ka jingjynjar ban pyndait ïa ki bniat ba nalor bad na trai la shisnem bad ka jingshitom ban dait ïa ki jingbam. Ka jingleh MRI ïa ka ka pyni ba ka dei ka jingpang bilateral degenerative TM joint.
Ka kynhun ki doctor ka Oral and Maxillofacial (kiba dei ki dkhot ka OncomaxNE association) ba la khlieh da i Dr. Bobby Linda Majaw na Shillong bad Dr. Ashutosh Vatsyayan na Guwahati kila puid ha ka sien ba nyngkong eh da ka CAD/CAM Alloplastic Bilateral Temporo-mandibular Joint replacement ha ka Supercare Hospital ,Shillong.
Ïa kane ka jingbujli ïa kane ka bynta jong ka shyntur la shna ha ka TMJ CONSULTANCY SERVICES ha Bhopal hapoh ka jingkhmih u Dr. Darpan Bhargava.
Kane ka jingpuid kala neh 8 kynta. U Dr. P S Chakraborty, uba dei u Co-director ka OncomaxNe bad uba dang leh mynta ïa ka MSc. ha ka Clinical Oncology ha Birmingham, UK ula pynpaw ïa ka jingkmen halor ka jingjop kane ka kynhun ban leh ïa kane ka jingpuid da ka jingjop. Hadien ka jingpuid, ine iba shah sumar im shym la don shuh ïa ka
jingpang ha ka TMJ bad ila lah ban plie bad khang ïa ka shyntur ha ka rukom kaba dei.
Ïa kane ka jingpuid la kyrshan da ka scheme MHIS jong ka sorkar. Ka kynhun kine ki doctor kiba leh ïa kane ki kynthup ïa u Dr. Debashish Borkotoky (OMFS) bad ki Anaesthetist, Dr. Sangeeta Kar bad Dr. Janardhan Bordoloi.