Ka hok bad ka jingpynkupbor ka 6th Schedule ïa ka jaidbynriew la shuh leh klet: Dr Mukul

0

Tura,Naiwieng 11: U Nongïalam ka Liang Pyrshah u Dr Mukul Sangma u la ong ba ka sorkar kaba mynta kam shym la shim khia satia ban pyndonkam ïa ka lad ka kabu kaba ka Khynrnit ba Hynriew ka Riti Synshar ka ai na bynta ban ïada ïa ka hok longtrai bad ki riti dustur kaba kum ka jaidbynriew Garo ka ïoh.
Haba kren kum u Kongsan ha ka Ka tamasa Wangala ba la ju pyndonkam ban tem 100 tylli ki ksing la pynlong ha Wangala A’dam Chibragre u Dr Mukul u la ong ruh ba kane ka tamasa ka long kaba dei eh ban pynlong khnang ban pynneh pynsah ïa ka riti dustur bad ka riti tynrai ba hiar pateng na ki long shuwa bad ba kan long ruh kum u soh pyni ïa ka jinglong tynrai sha ka pyrthei salonsor.
Shuh shuh u la ong ba ïa ka hok bad ka kabu kyrpang jong ka jaidbynriew Garo kaba ka la ïoh katkum ka jingpynkupbor ka ka Khyrnit ba hynriew ka Riti Synshar ka ri la shu leh klet da ka sorkar kum ka jingbuh ïa ka kashari ki nokma bad kiwei ki hok kyrpang kum ka jaidbynriew Garo ka ïoh.
“Ka long kaba dei eh ban pynlong ïa kane ka tamasa hiar pateng khnang ba ki hok bad ka riti dustur yn ym shah ïuhroit noh ha ki por ban dang wan” u la bynrap.
Shuh shuh na ka liang jong u u pynpaw ïa ka jingsngewnguh ïa ka Hundred Drums Wangala Festival Committee namar ka jingshimkhia jong ki ban pynlong ïa kane ka tamasa ha A’chik Heritage Village da kaba pynkynriah noh na Asanang ka jaka ba la ju pynlong ha ki snem ba mynshuwa bad ong ba kane ka jingjied da kane ka jaka ka long ka sienjam kaba dei eh namar ka Asanang kaba la ju pynlong mynshuwa ka la khim than na bynta ki bun bun hajar ngut ki paidbah kiba wan sakhi ïa kane ka tamasa.
Na ka liang jong u ruh u la ai ka jingïaroh ïa ki Nokma bad ïa ka kur kaba la ai ïa kane ka jaka khnang ban lah ban pynlong ïa kane tamasa ha kane ka jaka nangne sha khmat.
Ha ka jingkren u la ong ruh ba na ka liang jong u mynba u dang bat kum u Myntri Rangbah u la kham pynheh ka mang tyngka na bynta kane ka tamasa.
Ha kane ka sngi ka Chairperson jong ka Meghalaya State Commission for Climate Change and Sustainable Development ka Ferlin C A Sangma ka la wan shim bynta kum ka symbud kongsan ha ka jingïadonlang ruh u Chairman ka Hundred Drums Wangala Festival Committee u Ronald Rikman Sangma, u MLA ka Rangsakona Constituency u Zenith M Sangma, u MLA ka Salmanpara Constituency u Winnerson Sangma, u MDC u Sadiarani Sangma, u President ka Nokma Council u Skylance G Momin, bad kiwei kiwei ki nongshah khot sngewbha ha ryngkat ka jingsakhi lang da ki paidbah da ki phew hajar.

Leave A Reply

Your email address will not be published.