Ka dei ka rukom ha ka elekshon ban ïa kynthah, ka UDP kan ïai neh ha ka MDA: Ampareen

0

Shillong, Jymmang 15: Ka Nongaiktien jong ka NPP kaba long ruh Myntri ha ka sorkar MDA ka Kong Amapreen Lyngdoh ha ka sngi Nyngkong ka la ong ba ka jingïakhun ïa ka elekshon kaba dang shudep ha Sohiong ha kaba ka UDP ka la jop pyrshah ïa u kyrtong ka NPP kan nang pynkhlaiñ ïa ka sorkar MDA namar uba jop ruh u dei na ka party ba don ha ka sorkar bad ka jingbeiñ ka jingkynthah ha ka jingïalap elekshon ki dei ki rukom ba baroh bad mynta ba la kut ka elekshon kine kiei kiei ki la kut.
Haba kren sha ki lad pathai khubor, ka Kong Ampareen ka la ong ba kane ka elekshon kaba dang shu dep ka jingïakhun hi ka dei beit hapdeng ka UDP bad NPP ha kaba kiwei ki kyrtong kim ïajan satia ïa ka jingïoh vote bad kine ar, ‘khlempep ha ka elekshon ka don beit ka rem ka jop bad ngi ruh ngi pdiang sngewbha ïa u MLA ba thymmai sha ka kynhun jong ngi,’ ka la ong.
Haba ïadei bad ka ka jingkam u Symbud Myntri Rangbah ba kan wan ka jingkylla hadien ka elekshon bad ba ka NPP kan kynjat noh ïa ka UDP na ka kynhun MDA, ka Kong Ampareen ka la ong, “Ha ka elekshon hi ngi ju pynksan ïa ki kyrtong ka party da kino kino ki lynti bad ki buit ba ngi ïoh bad kito ba la kren ki dei shi bynta ha ka elekshon bad mynta ba ka la kut ngin ïatrei lang khlem buhnud eiei shuh hynrei ban ai ka jingshakri hok ïa u paidbah nongshong shnong ka jylla,” ka la ong.

Leave A Reply

Your email address will not be published.