Tura, Jymmang 16: Ka eriong kala jur ka la syllad ia ka thaiñ Gambegre West Garo Hills hynne ka step bad pynjulor ïa bun bah ki ïing ki sem, ki jingthung jingtep bad ki jingtei naduh ki surok nalor ka jingdkut ki sainar elektrik. Watla ym pat lah ban pynthikna haduh katno tylli ki ïing bad ki shnong kila shah pynjulor hynrei ka kaiphod ba la ïohlum malu mala ka pyni ba la don bun bah ki ïing kila shah ktah ha kane ka eriong.
Ka jingsyllad kane ka eriong ka la lam sha ka jingkhang lynti ïa ki surok ha kylleng ki jaka namar ka jingkhyllem ki dieng. Nalor kate, ka eriong kala ktah ruh ïa ka jingsam bording elektrik haduh ba bun tylli ki shnong ki la hap shong dum na ka daw ka jingdkut ki sainar. Ki bor District bad na Block ki la phah mar mar ïa ki kynhun ban leit lum jing kheiñ ïa ka jingpynjulor jong kane ka eriong. Ki la ïatrei borbah ban lum jingkheiñ khnang ban tip ïa ki jingdonkam jong ki paidbah bad ban ïatreilang ha kaban phah ïa ki lad jingïarap sha ki lanot.
Ka kynhun ka la trei borbah ruh ban pynkhuid ïa ki dieng ba khyllem ha surok bad ban pynïoh biang ïa ka bording elektrik.
