Guwahati, Naitung, 05: U Pranab Kumar Nath, Assistant Director jong ka Press Information Bureau, Guwahati u la ïoh jingjop ha ka Yoga, da kaba ïoh ïa ka kyrdan ba nyngkong ha ka senior category ha artylli ki jingïakop leh Yoga ha u 2024. Ka jingjop kaba nyngkong kalong ha ka 5th International Yoga Championship ba la pynlong da ka Association for Yoga and Meditation (AYM) ha Rishikesh, Uttarakhand ba la pynlong ha ka jingrakhe ïa ka International Day of Yoga ha ka 21 tarik Jylliew, 2024.
Shuh shuh, u Nath u la wan ha ka kyrdan ba nyngkong ha ka senior category ha ka National Yoga Sports Championship ba la pynlong da ka Universal Yoga Sports Federation, ha Coer University ha Roorkee, Uttarakhand ha ka 29-30 tarik Jylliew 2024.
U Pranab Kumar Nath u dei na Karimganj District jong ka them Barak ha Assam bad u sah mynta ha nongbah Guwahati. U la ïoh jingïaroh na baroh namar ki jingnohsynniang jong u sha ka yoga. Ha ryngkat ki jingjop ha ka yoga, u trei kum u Assistant Director jong ka Press Information Bureau ha Guwahati hapoh ka Tnat Information and Broadcasting jong ka Sorkar Pdeng.
