Jowai, Ïaïong 09: Ka West Jaiñtia Police CC kala jop suk da 112 runs ha kawei na ki jingïalehkai ka District Cricket League 2025 bala pynïaid daka West Jaiñtia Hills District Cricket Association (WJHDCA) hynne ka sngi 9 tarik u Ïaïong ha Mini Stadium, Khliehtyrshi.
Ka jingïakhun ka la long hapdeng ka West Jaiñtia Police CC bad ka Khimusniang S.C, ha kaba ïaka jingkynting pisa la jop daka West Jaiñtia Police CC kaba la kam trai ban tied shwa da kaba kamai 226 runs bad hap 8 wickets naki 35 over ba la buh.
Ha ba poi ka pali jong ka Khimusniang S.C ban beh ïaka thong kala don ka jingpynthut jong u slap bad la pyntreikam da la DLS method ïa kaba la pynkylla ïaka thong sha ka 208 run naki 28 over, hynrei ka Khimusniang SC ka la lah ban ïoh tang 95 run da kaba duh baroh 10 wickets tang ha ka 26.1 overs
U Deventional Lyngdoh naka West Jaiñtia Police CC ula kylla long u nam tam bad khur ïaka khusnam man of the Match hadien ba ula ïoh kamai 36 run bad khur 2 wickets.
Ïaka jingïalehkai mynta ka sngi ka 10/04/2025 kan long hapdeng ka Mupliang SC pyrshah ïaka Lion S&YA ha ka por 9 baje mynstep.
