Jowai, Rymphang 24: Ka National People Party (NPP) kala wan ba nyngkong hapoh ka West Jaiñtia Hills District da kaba jop bun eh ki kyrtong MDC sha ka ïing Dorbar Thawaiñ ka Jaiñtia Hills Autonomous District Council (JHADC), hadien ka jingñiew Vote kaba la long mynta ka sngi 24 tarik u Rymphang, 2025 ha ophis u DC ka WJHD bad haka Amlarem Sub-Division.
Na ki 19 tylli ki seat napoh West Jaiñtia Hills District ka National People Party (NPP) kala ïoh 9 seat, ka Voice of the People Party (VPP) kala ïoh 6 seat, ka Indian National Congress kala ïoh 2 seat, ka United Democratic Party (UDP) dad u kurtong shimet (IND) kila ïoh mar shi 1 seat.
Haba phai sha ka jingïoh vote jong ki kynhun saiñ hima sima ka National People Party (NPP) kala jop haduh 9 ngut ki MDC, kata u ma Het Pohthmi na 3-War West uba la ïoh vote haduh 3018, u ma Jesse Suiam na 6-Moodymmai-Nongkhroh uba ïoh vote 4225 vote, u Refromingson Lamare na ka 7-Nartiang Wahiajer uba ïoh 3921 vote, u Thombor Shiwat na 8-Moodop Umladang ula ïoh 4260, u Pheiñshwa Nangleiñ na 10-Mynsngat Khanduli ula ïoh 3919, u Aiborlang Shadap na 12-Barato Mukroh ula ïoh 3239 vote, u Wormanship Shadap ma 14-Mookaiaw ula ïoh 3787 vote, u Bisonroy Iano na 15-Raliang ula ïoh 4209 vote, bad u Mihnyngkong Sutnga na 16-Shangpung ula ïoh 4031 vote.
Ka Voice of the People Party (VPP) ki don 6 ngut ki MDC, kata u Jamshaphrang Pohtam na 2-War Central uba la ïoh 2981 vote, u Nehimaia Lamare na ka 5-Mukhla Ummulong uba ïoh 4109 vote, u ka kong Laiawanlamjinghun Khyriam na ka 9-Mynsoo Nongjngi kala ïoh 3711 vote, u Daemi Liam na ka 11-Shilliangmyntang ula ïoh 3040 vote, u Gresentus Susngi na ka 17-Nangbah Mihmyntdu ula ïoh 3910 vote, u Awhai Andrew Shullai na ka 18-Jowai North ula ïoh 6234 vote,
Na ka Indian National Congress (INC) ki don 2 ngut u ma Madonbai Rymbai na ka 4-Amwi Khliehtyrshi uba ïoh 4350 vote bad u Rikut Parein na ka 13-Saphai Sahsniang ula ïoh 3506 vote.
Na ka United Democratic Party (UDP) la jop marwei kata u Medling M. Swer na ka 1-War East ula ïoh 4073 vote bad uwei u kyrtong shimet ma Moonlight Pariat na 19-Jowai South ula ïoh 3189 vote.
