Jowai, Ïaïong 11: Ka Mowkaiaw C.Y.C kala jop da 29 run ïa ka Phramer C.C haka jingïalehkai ba khatwei jong District Cricket League 2025 bala pynïaid daka West Jaiñtia Hills District Cricket Association (WJHDCA) kaba la long mynta ka sngi 11 tarik u Ïaïong ha Mini Stadium, Khliehtyrshi.
Ha kane jingïalehkai ka long hapdeng ka Mowkaiaw C.Y.C pyrshah ïa ka Phramer C.C, ha kaba ïaka jingkynting toss la jop da ka Phramer C.C kaba la kam trai ban kawang ball shuwa. Ka Mowkaiaw C.Y.C haba wan ban tied nyngkong kala kamai 130 run bad liem baroh 10 wickets haka 21.3 over na ki 35 overs bala buh.
Ha ba poi ka pali jong ka Phramer C.C ban beh ïaka thong ka la lah ban ïoh tang 101 run da kaba duh 10 wickets ha ka 28 overs.
U Kitboklang Lyngdoh naka Mowkaiaw C.Y.C ula kylla long u namtam bad khur ïaka khusnam man of the Match hadien ba la ïoh khur 5 wickets.
Ïaka jingïalehkai lashai ka sngi ka 12/04/2025 kan long hapdeng ka Moodymmai C.C pyrshah ïaka Young Lad’s C.C haka por 9 baje mynstep.
