Jowai, Naitung 10: Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong hapdeng ka Lumkhangdong Kyndongtuber pyrshah ïa ka Luti tuber Ialong, ka jingïalehkai ka la jam sha kaba kut ha kaba ki rangïalehkai jong ka Lumkhangdong kila lah ban pynliem da 2-1 kol ïa ka Luti tuber Ialong.
ïa kine ki kol na ka Lumkhangdong Kyndongtuber la ïoh ban thep baroh ar kol da u Damepaia Shylla haka minit ba 24 bud sa kaba ar ha ka kylla miet ha ka minit ba 56. Katba ïa ka shikol na ka Luti tuber Ialong la ïoh ban thep da u Leader Mulieh haka minit ba 42 kaba dei ka kol pynïakhaid shuwa ban kut ka kylla step bad ruh shuwa ba u Damepaia Shylla un thep ïa ka kol kaba ar.
Ha ka jingïakhun kaba ar ka Nangbah Khloopano kala pynliem da 2-1 kol ïa ka Lumpyrtuh Mihmyntdu, ïa ki kol na ka Nangbah Khloopano la thep marwei da u Teibor Lamare ha ka minit ba 23 bad 43. Na ka liang ka Lumpyrtuh Mihmyntdu la thep da u Telme Rymbai ha ka minit ba 33.
Ka jingïakhun kaba lai ka ka Madanthad Thadmuthlong kala pynliem da 4-0 kol ïa ka Samaro, ïa ki kol na ka Madanthad Thadmuthlong la thep da u Precious Tang lai kol haka minit ba 9,11 & 13 bad u Manhok Suchiang haka minit ba 40.
Katba ha ka jingïakhun kaba saw ka Mulang Ialong kala pynliem da 2-0 kol ïa ka Royal Pole Mihmyntdu, ïa kitei ki ar kol na ka Mulang Ialong ki la wan ha ka kylla miet kiba la theo da u Poisuk Dhar haka minit ba 58 bad u Dangaitlang Mulieh haka minit ba 67.
