Jowai, Ïaïong 21 : Ka jingïalehkai Cricket bala tip kum ka ‘Open to All Cricket Tournament 2023’ ba la pynïaid da ka West Jaiñtia Hills District Cricket Association Jowai, kaba la long mynta sngi 21 tarik ha Madan Khliehtyrshi Mini Stadium, ha kaba ka kynhun jong ka Lion Sports Youth Affairs kala jop da 16 runs ïaka Khimmusniang Sports Club.
Haba phai sha ka jingïakhun ïaka jingkynting pisa la jop da ka Lion Sports Youth Affairs kaba la jied ban tied nyngkong da kaba kamai 213 runs naki 35 overs bad duh 6 wickets, kiba kamai run khambun ki long u Nik Dan 46 runs 44 balls, u Kitboklang Rangad 42 runs 41 balls bad u Firstbornson Dkhar 43 runs 45 balls. Na ka liang ki nongkawang bol ka Khimmusniang Sports Club kiba ïoh khur Wickets ki long u Chwamiki Ryngkhlem 2 wickets naki 7 overs bad u Richard Patwet 2 wickets na ki 7 overs.
Haba wan ban beh ïa ka thong ka Khimmusniang Sports Club kala poi tang 197 runs na ki 35 overs bad hap haduh 9 wickets, kiba kamai run ki long u Chwamiki Ryngkhlem 85 runs 68 balls bad u Richard Patwet 27 runs 27 balls, katba na ka liang ka Lion Sports kiba khur wickets ki long u Peterson Lamare 2 wickets na ki 7 overs bad u Namewanki Pakynteiñ 2 wickets na ki 7 overs.
Ïaka Nam Man of the Match mynta ka sngi la ïoh da u Firstbornson Dkhar jong ka Lion Sports Youth Affairs.
