Jowai, Naiwieng 09: Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai hynne ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun naka liang ka kynhun ïalehkai jong ka Ladthadlaboh kala lah ban pynliem da 4-2 kol ïa ka Khimusniang, ïa kitei ki kol na ka Ladthadlaboh la thep da u Banteilang Shylla haka minit ba 7, u Daunisakiai Dkhar haka minit ba 44, u Sanbor Kharshanoh haka minit ba 88 bad u Promi Suting haka minit ba 90.
Katba na ka liang ka Khimusniang ïa ki ar kol la thep da u Precious Tang haka minti ba 45+1 bad u Heisniawki Syngkon haka minit ba 90+1.
La pyntip ba ka jingïakhun ha ka 13.11.2023 kan long hapdeng ka Mukhla Raij SC pyrshah ïa ka Mynthong haka por 1 baje shiteng nohphai sngi.
