Super Division: Ïakhaid ka Thangskai Tiger SC bad Dhana SC, jop ka Khliehriat West

0

Khliehriat, Naiwieng 09: Ka lympung ïalehkai jong ka kyrdan Super Division Football Tournament 2023 kaba la long mynta ka sngi ha madan Deinchynrum, EJHD bala pynïaid da ka East Jaiñtia Hills District Football Association (EJHDFA).
Haba phai sha ka jingïakhun kaba nyngkong hapdeng ka Thangskai Tiger SC pyrshah ïa ka Dhana SC, ka jingïakhun ka la jam sha kaba kut da ka jingïakhaid hadien ba baroh ar kynhun ki la ïoh ban ïathep mar shi 1-1 kol.
Dei ka Dhana SC kaba la ïoh ban lamkhmat nyngkong ïa ka jingïakhun lyngba ka kol na u Wanlam Kassar haka minit ba 7, hynrei ka Thangskai Tiger SC kam shym la kynrandien bad ïai pyrshang ban thawlad da kumno ban ïoh pynïakhaid ba la pynurlong da u Shanlang Rymbai haka minit ba 12. Haduh kaba kut ym shym la don ba lah ban pynphai kaba la pynlong ïa kine ki ar kynhun ban ïakhaid.
Haba phai pat sha ka jingïakhun kaba ar, ka kynhun jong ka Khliehriat West YWSC kala lah ban pynliem da 3-1 kol ïa ka Moolamanoh SC, ïa ki kol na ka Khliehriat West YWSC la thep da u Kerlang Tlang haka minit ba 16 bad u Embor Lamare haka minit ba 23 & 55. Katba na ka Moolamanoh SC la thep da u Kiming Dkhar haka minit ba 90+3.
Ka jingïakhun haka 11 tarik Naiwieng, 2023 kan long hapdeng ka R. Wahshnong SC pyrshah ïa ka Sutnga SSCC, nangta ka R. Iawpynsing SC pyrshah ïa ka R. Shkenshynriah SC.

Leave A Reply

Your email address will not be published.