Jowai, Nohprah 18: Ka lympung ïalehkai phutbol kaba la tip kum ka “3rd Sniawbhalang Football Tournament 2023” kaba la long mynta ka sngi 18 tarik u Nohprah ha madan Wahiajer Stadium Wahiajer West Jaiñtia Hills District.
Haba phai sha ka jingïakhun hapdeng ka Kdohkule pyrshah ïa ka Kdiap naduh ka kylla step tad haduh jong ka kylla miet kala neh khlem da don kiba thep kol 0-0, kumta na ka liang ki bor pynïaid jong kane ka lyngpung kiba hap ban pynlong da ka jingïashut Tie Breaker ha kaba ka kynhun ïalehkai jong ka Kdohkule kala lah ban pynliem da 4-2 kol ïaka Kdiap.
La pyntip ba ka jingïakhun lashai ka sngi 19 tarik u Nohprah kan long hapdeng ka Wahiajer pyrshah ïaka Pdieniawmusiang haka por 12 baje shiteng sngi, katba ka Saitsama pyrshah ïaka Thadmynri haka por 2 baje nohphai sngi.
