Jowai, K’Lyngkot 11: Ka lympung ïalehkai phutbol kaba la tip kum ka Republic Day Cup, Under-13 Football Tournament 2024 bala pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka FAM kala lah ban pynliem haduh 8-2 kol ïa ka Nangbah Iawmusiang, ïa ki kol na ka FAM la thep da u Jason Kyndait haka minit ba 22, u Chelangki Shylla haka minit ba 26, u Alwin Rymbai haka minit ba 27 & 45, u Dachanmitre Dkhar haka minit ba 30 & 58, u Bantowin Shylla haka minit ba 37 bad u Kevinson Thubru (own goal) haka minit ba 57.
Ïa ki kol na ka Nangbah Iawmusiang la thep da u Esalanmiki Lamare haka minit ba 18 bad u Aiborme Lamare haka minit ba 47.
Katba ka Catholic Youth kala pynliem da 2-0 kol ïa ka Luti Tuber Ialong, ïa ki kol na ka Catholic Youth la thep da u Bester Chyrmang haka minit ba 31 bad u Wanbha Phawa haka minit ba 53.
Ha ka jingïakhun kaba ar kaba la long hadeng ka Panaliar pyrshah ïa ka Sabahmuswang kila poi sha ka jingïakhaid khlem da don kiba thep kol.
Katba ka Dulong kala pynliem da 3-0 kol ïa ka Chutwakhu, ïa ki kol na ka Dulong la thep da u Imonhimi Laloo haka minit ba 2, u Ozil Langshiang haka minit ba 24 bad u Arkini Bamon haka minit ba 45.
Haka jingïakhun kaba lai ka Ksehsylle Ialong kala pynliem da 4-0 kol ïa ka Khimusniang, ïa ki kol na ka Kseh Sylle Ialong la thep da u Rittemiki Rymbai haka minit ba 6, u Khainmi Pale haka minit ba 25, u Dalam i Phawa haka minit ba 52 bad u D. Dhar haka nimit ba 55.
Katba ka Lumkyrwiang kala pynliem da 2-0 kol ïa ka Chilliangraij, ïa ki kol na ka Lumkyrwiang la thep da u Nathanial Ethan Rymbai haka minit ba 32 bad u Dasalan Bareh haka minit ba 50.
La pyntip ba ka jingïalehkai ka bteng lashai ka sngi 12 tarik naduh ka por 9 bajer mynstep ha kaba yn pynïakhuh haduh 6 tylli ki jingiakhun.
