Jowai, Ïaïong 20 : Ka jingïalehkai Cricket ba la tip kum ka ‘Open to All Cricket Tournament 2023’ ba la pynïaid da ka West Jaiñtia Hills District Cricket Association Jowai, kaba la long mynta sngi 20 tarik ha Madan Khliehtyrshi Mini Stadium ha kaba ka kynhun jong ka Efty United XI Mynso kala jop da 85 runs ïa ka Moodymmai Cricket Club.
Haba phai sha ka jingïakhun ïaka jingkynting pisa la jop da ka Efty United XI Mynso bad kaba la jied ban tied nyngkong da kaba kamai haduh 263 runs na ki 35 overs bad hap 8 Wickets, kiba kamai run bha ki long u Sylvester Mylliempdah 127 runs na ki 83 balls, u Kitboklang Lyngdoh 35 runs na ki 45 balls bad u Daymen Shullai 26 runs na ki 29 balls. Katba na ka liang ka Moodymmai Cricket Club kiba ïoh ban khur Wickets ki long u Ribok Hynniewta 2 wickets na ki 7 overs, u Teimi Passah 2 wickets na ki 7overs bad u Heimonlang Lyngdoh 2 wickets naki 7 overs.
Haba wan ban beh ïa ka thong ka Moodymmai Cricket Club kala poi tang 178 runs naki 32.3 overs bad hap lut ki wickets, kiba kamai run bha ki long u Levester Phawa 50 runs na ki 35 balls bad u Daowan Passah 38 runs na ki 44 balls, katba na ka liang ka Efty United XI Mynso kiba khur Wickets ki long u Eleazar C Dkhar 3 wickets naki 7 overs, u Kitboklang Lyngdoh 2 wickets na ki 2 overs, u Sylvester Mylliempdah 1 wicket na ki 6 overs
Ïa ka Nam Man of the Match mynta ka sngi la ïoh da u Sylvester Mylliempdah jong ka Efty United XI Mynso.
