Shillong, Ïaïong 20 : Ki thei ïalehkai phutbol jong ka Ïewrynghep Secondary School, Mawñianglah Upper Shillong, ka la ïoh ban rung ha ka phainal jong ka lympung ïalehkai phutbol kaba la tip kum ka 2nd San Shnong Youth Welfare Organisation Inter School Football Tournament 2023.
Ka Ïewrynghep SS, Mawñianglah ka la ïoh ban rung sha ka phainal hadien ba ka la pynliem noh ïa ka Spring Time Secondary School, Sadew da 3-0 ha ka jingïalehkai semifinal ha ka sngi Palei. Ka jingïalehkai phainal jong katei ka lympung kan long ha ka 26 tarik Ïaïong 2023 (sngi Nyngkong) ha madan ïalehkai jong ka shnong Mawñianglah kaba dei ruh ka sngi pynkut (closing cremony) jong katei ka lympung.
