Shillong, Lber 11 : Ka kynhun ïalehkai jong ka Combine SHG ka la ïoh ban pynliem noh da 119 ron ïa ka kynhun ïalehkai jong ka Sohra Labour Union ha ka lympung ïalehkai kriket ba tip kum ka Inter Office Cricket League 2025 ba la pynïaid da ka East Khasi Hills Cricket Association hynne ka sngi.
Ha ka jingïakhun ka Combine SHG hadien ba ka la jop ïa ka jingkynting pisa ka la jied ban tied nyngkong bad kamai 178ron la 8 wiket ha ki 20 over. Na ki rangtied u Mebankyrshan Allya u la ïoh ban kamai bun eh da ki 68 ron na ki 48 bol katba u Lurshai Wahlang pat u la ïoh ban khur san wiket na ki 33 ron ha ki 4 over.
Haba beh ïa ka thong ka Sohra Labour Union ka la ïoh ban kamai tang 59 ron bad hap lut ki wiket ha ki 15.3 over. Na ki nongtied u Donkyrmen Nadon u la ïoh ban kamai 20 ron na ki 19 bol katba u Sunny Sten u la ïoh ban khur lai wiket na ki 5 ron ha ki 2.3 over.
Kane ka la pynlong ïa ka kynhun ïalehkai jong ka Combine SHG ban jop suk da ki 119 ron. Ïa ka khusnam player of the match ha kane ka sngi la ïoh da u Sunny Sten.
