Shillong, Lber 11 : Ka kynhun ïalehkai jong ka MLP Sohra ka la ïoh ban pynliem noh da 49 ron ïa ka kynhun ïalehkai jong ka PHE Sohra Division ha ka lympung ïalehkai kriket ba tip kum ka Inter Office Cricket League 2025 ba la pynïaid da ka East Khasi Hills Cricket Association hynne ka sngi.
Ha ka jingïakhun ka MLP Sohra hadien ba ka la jop ïa ka jingkynting pisa ka la jied ban tied nyngkong bad kamai 199 ron la 6 wiket ha ki 20 over. Na ki rangtied u Stevenson Syiem u la ïoh ban kamai bun eh da ki 58 ron na ki 32 bol katba u Heibormi Dhar pat u la ïoh ban khur ar wiket na ki 31 ron ha ki 3 over.
Haba beh ïa ka thong ka PHE Sohra Division ka la ïoh ban kamai 150 ron bad hap lai wiket ha ki 20 over. Na ki nongtied u Emerson Nongrud u la ïoh ban kamai haduh 98 ron na ki 66 bol katba u Gowirak u la ïoh ban khur shi wiket na ki 32 ron ha ki 4 over.
Kane ka la pynlong ïa ka kynhun ïalehkai jong ka MLP Sohra ban jop da 49 ron. Ïa ka khusnam player of the match ha kane ka sngi la ïoh da u Stevenson Syiem.
