Jop bun ka EKJH ha Gymnastic jong ki kynthei

0

Jowai, K’Lyngkot 22: Ka lympung ïalehkai jong ka Meghalaya Games 2025 kaba la jam sha ka sngi ba ar mynta ka sngi 22 tarik u Kyllalyngkot 2025, ha kaba ki jait jingïalehkai kiba la don haduh haduh 29 tylli kiba la sdang mynta ka sngi ha kylleng ki jaka bala pynkheh ha Jowai bad kumjuh ha Khliehtyrshi bad Wahiajer West Jaiñtia Hills District. Ïa kane ka lympung ïalehkai kaba la wan shim bynta da palat 3,500 ngut ki nongïalehkai na ki 12 tylli ki distrik jong ka Meghalaya ïa kaba la plie pyrda hynnin ka sngi da u Myntri Rangbah ka Jylla Conrad K Sangma ha Wahiajer Stadium.
Haba phai sha ka jingïakhun Gymnastic naka liang jong ki shynrang (Boys), kaba la pynlong ha nongbah Jowai.
Na ka liang jong ki Senior Boys ha ka jingïalehkai Floor Exercise u Darren Teinam Khonglang ula khur ïa ka takma Ksiar (Gold) da kaba ïoh 8.40 points, u Atharva Dixit ula khur ïa ka takme Rupa (Silver) da kaba ïoh 8.20 points katba u Nathaniel Malngiang ula khur ïa ka takma Rnong (Bronze) da kaba ïoh 4.20 points.
Ha ka jingïalehkai Vaulting Table u Darren Teinam Khonglang ula khur biang ïa ka takma Ksiar da kaba ïoh 10.20 points, u Atharva Dixit ula ïoh ïa ka takma Rupa da kaba ïoh 7.80 point bad u Nathaniel Malngiang ula ïoh ïa ka takma Rnong da kaba ïoh 6.20 points.
Na ka liang jong ki khynnah rit ha ka jingïalehkai Floor Exercise u Aibanlang Khongphai ula ïoh ïa ka takma Ksiar da kaba ïoh 3.80 point, u Emmauel Mankhraw Malngiang u la ïoh ïa ka takma Rupa da kaba ïoh 3.00 points bad u Bawanshwa Lyngdoh ula ïoh ïa ka takma Rnong da kaba ïoh 2.90 points.
Ha ka jingïalehkai Gymnastic jong ki kynthei kiba kynthup ïa ki Sub Junior Girls, Junior Girls, Senior Girls bad Mini Girls ka East Khasi Hills kala long ka District kaba khur bun eh ki takma. Na ki ki jingïalehkai ha ki kyrdan bapher bapher ka EKH kala ïoh takma haduh 31 tylli bad ka West Garo Hills (WGH) kala ïoh 2 tylli ki takma
Haba phai sha ka jingïoh takma ki thei ïalehkai Gymnastic ha ka kyrdan Sub Junior Girls jong ka Floor Exercise ka Wansaphi Bernadette Malngiang (EKH) kala khur ïa ka takma Ksiar da kaba ïoh 5.80 points, ka Wansuk Mery Susngi (EKH) ka la khur ïa ka takma Rupa da kaba ïoh 5.20 points, katba ka Sa-I-Bakor K Tariang (EKH) ka la khur ïa ka takma Rnong da kaba ïoh 4.90 points.
Na ka liang jong ki Sunior Girls haka jingïalehkai Floor Exercise ka Wandalang Magdalene Malngiangka ioh ia ka takma Ksiar da kaba ïoh 10.20 points, ka Agnes Lyngdoh ka la ïoh ïa ka takma Rupa da kaba ïoh 5.40 points, bad ka Larihun Generosa Malngiang ka la ïoh ïa ka takma Rnong da kaba ïoh 4.40 points.
Ha ka jingïalehkai Vaulting Table ka Balasiewdor Malngiang ka la ïoh ïa ka takma Ksiar da kaba ïoh 7.40 poinst, ka Wandalang Magdalene Malngiang ka la ïoh ïa ka takma Rupa da kaba ïoh 7.20 points bad ka Larihun Generosa Malngiang kala ïoh ïa ka takma Rnong da kaba ïoh 2.40 points. Ha ka jingïakhun Balancing Beam ka Wandalang Magdalene Malngiang ka la ïoh ïa ka takma Ksiar da kaba ïoh 5.40 points, ka Catherine Kavela Marbaniang ka la ïoh ïa ka takma Rupa da kaba ïoh 3.10 points bad ka Agnes Lyngdoh kala ïoh ïa ka takma Rnong da kaba ïoh 2.90 points.
Ïa ka nam Best Gymnast (overall Championship) la ïoh rah da ka Wandalang Magdalene Malngiang (EKH).

Leave A Reply

Your email address will not be published.