Khliehriat, Risaw, 11:Ha ka jingiakynduh lang ka seng Kur Rymbai mynta ka sngi ka 10 tarik u risaw 2024 ha Luti Mynsoo Tuber Shohshrieh, East Jaiñtia Hills Districts ka seng kur ka la ioh ban jied ïa ki nongkitkam kiba thymmai kiban peit ïa ka bha ka miat, ka bit ka biang jong ka kur ka jait.
Ha kane ka jingïalang ka seng kur Rymbai la wan ban ïa shim bynta lang da ki kur Rymbai kiba na kylleng ki shnong kiba don hapoh ka Ri khasi Jaiñtia bad la ioh ruh ban pynkha ïa ka seng kaba la tip kum ka Sengkur Rymbai.
Ïa ka jingialang la pyniaid da u bah Leningstar Rymbai bad la ioh ruh ïa ka jingkren pdiang na u bah Wanlang Rymbai kum ki Convener, kane ka Sengkur Rymbai kan long ka seng ka ban peit ruh ïa ka jingeh ka shon bad ka iap ka im kumjuh ruh ïa ka bha ka miat jong baroh ki khun jong ka kur Rymbai ki ba hap hapoh Ri lum Khasi bad Jaiñtia wat ïa ki kur ki jait ki ba don shabar ka jylla ne shabar ri ruh kumjuh.
Kumjuh ruh kane ka sengkur Rymbai kan long ka wei na ki tnad ba heh hapoh ka seng kur Bahkhla ka ba long ka seng kmie jong ki kur baroh ba iadei kur hapoh ka Bahkhla.
Ki nongkitkam jong ka kur Rymbai kiba la jied ki kynthu u President, u bah Damewanhi Rymbai, Vice President U Heiplanmi Rymbai, General Secretary, u bah Stoper Rymbai, Assistant Secretary, u bah Framely Rymbai, Financial Secretary, u bah Bishar Rymbai, Treasurer:, ka kong Ka Monty Rymbai, Publicity Secretary, Sienbha Rymbai lem bad ki Adviser ba kynthup u bah Lasky Rymbai, bah Leningstar Rymbai bad bah Elwin Rymbai.
La jied ruh ia ki dkhot executive body ba kynthup u Dr. Iohbor Rymbai, Iaikiew Rymbai, Wanlang Rymbai, Bisar Rymbai, Niwan o Rymbai, Dazil Rymbai bad kiwei kiwei, kane ka long katkum ka jingpyllait khubor da U Sienbha Rymbai kum u Publicity Secretary ka Sengkur Rymbai.
