Nongstoiñ, Naitung 09: Ka West Khasi Hilla District Chess Association kala ïoh ban pynlong ïa ka WKHDCA State B & Inter School chess Championship 2023 kaba khyndai haka 8th July ha SGSY C&RD Block Nongstoin.
La plie ïa Kane ka program da u ADC ka WKH, i Bah Velentine Swer MCS u ba la kyntu ïa ki nongïashim bynta ba kidei ban don ka thong ban poi ha ka kyrdan hakhmat duh ym ban sah kut shiteng. U la kyntu ruh ba dei ban kiar na ki jingbam kiba pynsniewïa ka met khnang ban long kiba koit bad ban pynleit jingmut bha khnang ban khlain ka jingmut jingpyrkhat. ïa Kane ka program la pyniaid da u President ka Association bah Richard Sun hapdeng ka jingïadon lang ki para dkhot, ki nonghikai, ki kmie ki kpa, ki player ha ka open bad ki khynnah skul na ki 6 tylli ki skul ba pawkhmat jong ka District.
Ki nongjop ha ka Under 12 Boys ki long, 1st Meshwa Syiemlieh na JNV Nongstoin. 2nd Kyrpang Sangriang bad 3rd position Raimankupar Jyndiang na Anderson HS School Nongstoin.
Ha ka Under 15 Boys, 1st Brian CJL Marshillong na JNV Nongstoin. 2nd P Dakerhime Lyngdoh na Anderson HS School Nongstoin bad 3rd Canbeljone Wanniang. Ha ka Under 18 Boys kiba long 1st Sambor Jyrwa. 2nd Arwandame Thongni bad 3rd Hawamanbha Phyrngap. Kiba la ioh 1st position ha ka kyrdan Under 18 Girls bad Women Open category ki long i P Sarasaphi Lyngdoh na St Anthony’s bad I Gavy Jones L Marshillong na Nongstoin college.
Ia ka tournament la long Chief Arbiter da u bah Bonney Kharbani SNA bad la pyniaid da ka Swiss System ba 5 rounds. Bad la ïoh ruh ban jied 6 ngut ki player ba jop hakhmat duh ban leit sha ka State Level Chess Tournament kaban long ha Ribhoi District haki tarik 21 bad 22 mynta u bnai. Bad nangne yn jied ïa ki 4 ngut ban leit ïashimbynta sa ha ka National Chess Championship kaban long ha Maharashtra ha u bnai August 2023.
Ha ka pynkut noh ia ka program la ioh ban Sam ia ki prize, trophies bad certificates sha ki Nongjop ha ka jingiadon lang u EE jong ka PWD(R) Nongstoin bah F Sohlang kum u Kongsan.
