Shillong, Lber 19 : Ka National Cricket Academy (NCA) jong ka BCCI ka la jied ïa ki lai ngut ki rangïalehkai kriket na ka Meghalaya Cricket Association (MCA) sha ka North East Senior Men camp kaban sdang naduh u bnai Ïaïong, kaban long ha Bengal Cricket Academy ha Kalyani.
Kitei ki lai ngut ki rangïalehkai kriket kiba la shah jied ki kynthup u Raj Biswa, Kishan Lyngdoh (baroh arngut kidei ki rangtied bol) bad u Arbin Singh (uba dei u rangkawang bol spin).
Katei ka prokram kilan met kan sdang naduh ka 24 tarik u Ïaïong haduh ka 18 tari u Jymmang 2023.
Ki don baroh 25 ngut ki player na North East Zone kiba la shah jied ha ka BCCI ban don ha katei ka ktem kilan met.
Ïa ki player la jied katkum ka jinglah ka jong ki ban ïalehkai bha ha ka Syed Mushtaq Ali Trophy T20 tournament, Vijay Hazare Trophy kaba dei ka jingïalehkai one day bad ka jingïalehkai first-class ka Ranji Trophy.
