Mawkyrwat, Lber 19 : Ka Mawlangwir Football Community Shield 2022 – ‘23 ba la pynïaid sa ka Mawlangwir Sports Club mynta ka kynti ka la jam sha ka Semi-final.
Ki kynhun kiba la ïoh rung sha ka Semi Final ki long ka Se-Lajong Football Club (SWKHD), ka Lamare Sports Cluc (EKHD), ka Azriel Sports Club (EKHD) bad ka Nongbri Brothers Football Club (SWKHD).
Ka jingïalehkai Semi-final kaba nyngkong eh kan long hapdeng ka Se-Lajong FC pyrshah ïa ka Lamare SC ha ka 23 tarik u Lber, 2023 (Sngi Palei) ha ka por 2 baje nohphai sngi. Katba ka jingïalehkai Semi Final kaba ar pat kan long hapdeng ka Azriel SC pyrshah ïa ka Nongbri Brothers FC ha ka 4 tarik u Ïaïong, 2023 (Sngi Ba-ar) ha ka por 2 baje nohphai sngi.
Kum ban shu pynkynmaw ïa ki jingïalehkai ha ka Quarterfinal, ka Se-Lajong FC ka la pynliem ïa ka Iawpaw FC da 1 – 0, ka Azriel SC ïa ka Khliehmawlieh YC da 3 – 1, ka Lamare SC ïa ka Ïamonlang FC da 4 – 0, bad ka Nongbri Brothers FC ïa ka Pay For Right FA da 4 – 2.
Ka Mawlangwir Sports Club, namarkata, ka khot ka wer ïa ki ‘riew ieit phutbol bad ki paidbah jong ka dong ka thaiñ hi baroh kawei ba ki wan ban sakhi ïa ki jingïalehkai Semi Final kiba itynnad ki ban sa long shen.
Ka bai rung na ka bynta kitei ki jingïalehkai ka long 50 tyngka marwei.
