Shillong, Lber 19 : Ka Dorbar shnong Mawïong rim ha ka 18 tarik Lber 2023 ka la pynkup burom ïa u samla Welkin Stone Shadap uba la wanrah nam bad burom ïa ka shnong ka thaw, ïa ka ïing ka sem bad ïa ka jylla hi baroh kawei.
U samla Welkin Stone Shadap u la wanrah nam bad burom da kaba pyndep ka jingïaid ba 102 km da kaba pyndep hapoh 19 kynta bad rung ruh sha ka Asian Book of Records.
Ïa ka jingïalang pynkup burom la pynïaid da i Dr H Iangrai, iba dei i secretary Shnong bad la ïoh ïa ka jingkren lyngkot da U Rangbah Shnong Bah S. Lyngdoh bad na ka seng samla da i Bah K. Syiemlieh. U samla Welkin stone Shadap udei u khun jong u Bah Bah J R Khongji.
Na ka liang ka Dorbar Shnong ka ai khublei bad kitbok kitrwiang ïa u samla Welkin Stone Shadap ba un dang kiew shaphrang ha ki liang baroh.
