Shillong, Naitung 02: Ka lympung ïalehkai phutbol ‘State Level Subroto Cup 2025 Football Tournament’ kaba la sdang ha ka sngi Hatmajai (01 tarik Naitung, 2025), ka la jam shakhmat mynta sha ka sngi ba ar.
Kane ka lympung kaba wanrah lang ïa ki kynhun ba kynsai tam na baroh 12 tylli ki District jong ka jylla Meghalaya, ba la pynïaid da ka tnad Sports kan bteng haduh 05 tarik u Naitung, 2025, bad la pynlong ïa ka ha lai tylli ki jaka ha nongbah Shillong, kata ha SAI Centre ha NEHU (na bynta ki U-15 boy), ka madan First Ground jong ka SSA Stadium ha Polo (na bynta ki U-17 boy) bad ha Mawlai Madan Heh (na bynta ki U-17 Girl).
Naduh ka sngi sdang haduh mynta ki resol jong ki jingïalehkai ki long kumne harum: Ha ka U-15 Boys:
Little Star English Medium SS (EWKH) ka la jop da 4-0 kol ïa ka Govt Boys HSS (WGH), nangta ka Musniang SS (EJH) ka la jop 7-0 kol ïa ka St Claret HSS (SWGH), ka Govt Boys HSS (WJH) ka la jop da 2-0 kol ïa ka Mandalpang Govt LPS (NGH), bad ka Little Star HSS (SWKH) ka la jop da 3-0 kol ïa ka St Mary’s HSS (EGH).
Ha ka U-17 boys: ka Karukol HSS (SGH) ka la pynliem da 2-1 kol ïa ka St Claret HSS (SWGH); ka Borsing Memorial SS (WKH) ka la ïakhaid da 2-2 kol bad ka Bajengdoba HSS (NGH), ka Nongjri Presbyterian SS (Ri-Bhoi) ka la jop kput haduh 7-0 kol ïa ka Rongrenggre Govt HSS (EGH), ka OM Roy Memorial HSS (EKH) ka la jop salit da 1-0 kol ïa ka Little Star English Medium SS (EWKH).
Ha ka U-17 Girls; ka Lotus SS (EJH) ka la jop suk da 8 -0 kol ïa ka St Claret HSS (SWGH), nangta ka Nongjri Presbyterian SS (Ri-Bhoi) bad ka Kyrshai Govt LP&UPS (WKH) ki la ïakhaid da mar 1-1 kol, ka Tyrsad HSS (EKH) ka la pynliem kput haduh 19-0 kol ïa ka Karukol HSS (SGH), nangta ka jingïakhun hapdeng ka Upper Kharkutta UPS (NGH) bad ka Govt Boys HSS (WGH) ka la kut ha ka jingïakhaid.
