Shillong, Naiwieng 19: Jam ka jingïakhun hapdeng ka Meghalaya bad Mizoram sha ka sngi ba lai jong ka U-19 men’s Cooch Behar Trophy kaba la long ha MCA Ground, Polo.
Hadien ba la bteng biang ïa ka inning kaba la ïoh ban lehkai tang 6 over da 4/1, ka Mizoram ka la shah pynkhyllem baroh bad kynjoh tang sha ka 206 ron, hadien kata ka kynhun Meghalaya ka la kynjoh sha ka 53/3.
Ki rangkawangbol ka Meghalaya kiba la ïoh ban pynhap wicket ki kynthup ïa u Shavian Blah (4/51), u Angkit u la khylliap ïa ka inning da 2/31 katba u Banialam u la pynkut da 2/37, na ka liang jong u Balgrik Sangma pat u la khur 1/37.
Shuwa ban pynkut ïa ka jingïalehkai, u Lensbirth Marak u la kamai 15 ron na bynta ka Meghalaya shuwa ban shah pynhap.
