Khliehriat Naiwieng 19 :-Ka Rumshnong Youth Club Bataw hynnin ka sngi saitjaiñ ka la ioh ban pynlong ïa ka program plie pyrda ia ka jingialehkai football, ka 2nd RYC Bataw Knockout Football Tournament 2023.
La sdang ïa ka jingialehkai hapdeng ka Rymbai Pompyrthad SC pyrshah ïa ka Nongshiliang Pdengshakap ha madan Lacheh Playground Bataw.
Ia kane ka jingialehkai la wan plie pyrda da u EAC ka East Jaiñtia Hills District u bah Gautam Warjri
Ïa ka jingialang la pyniaid da u Secretary Shnong uba dei ruh u Secretary ka club, u bah Ampli Rupsi bad la ioh ka jingkren mait phang na u President ka club, u bah Deihok Sumer, la ong ruh ba ka jingthmu ba kyrpang jong ka club haba pynlong ïa kane ka Tournament ka long ban kyntiew ïa ka kam ialehkai ïa kaba ioh ruh ïa ka jingkyrshan na ka CMYDS lyngba ka ophis u Deputy Commissioner East Jaiñtia Hills District Khliehriat.
U Kongsan haba ai jingkren u la iaroh ïa ka club ba ka la bteng biang ban pynlong ïa kane ka Tournament kaba long ka jingmyntoi kaba khraw ïa ki khun samla ba kin lait na ki jait jingpynbyrngia ha kine ki juk internet bad kiwei de ki ki kam kiba sniew kiba ktah ïa ka jingim jinglong samla jong ki bad ïa ka imlang sahlang.
Haba phai pat sha ka lympung ialehkai hapdeng kine ki ar tylli ki kynhun ka Nongshiliang Pdengshakap ka la jop ïa ka Rymbai Pompyrthad SC da 2:0.
