Shillong, Iaiong 20: Ki bahaïing jong u Bah Kopal Swer, kumba 52 snem ka rta na ka shnong Dympep, East Khasi Hills ki la buh da ka ejahar sha ki bor pulit ka Sohra Police Station halor ka jingjah utei u rangbah naduh ka 20 tarik u Lber, 2023 khlem pat lap haduh mynta.
La ong ba une u rangbah u la mih na ïing ha por 7 shiteng ne 8 baje ha ka por step jong katei ka sngi bad shwa ban mih u la ai ïa u shabi iing ha u khun ba dang 9 snem bad ong ban peit bha ïa ka ïing namar un leit jingleit noh.
Ki ba haïing ki don hapdeng ka jingap khmih lynti ba u bah Kopal un wan phai sha ïing bad na ka liang ka shnong ruh ka la pynlong ka jingwad paidbah ïa u hynrei ki khlem lap satia.
Ym shym la don ba ïohi mano mano ruh ha ka por ba u Bah Kopal u mih na ïing, ong ka ejahar kaba la kyntu ïa ki bor aiñ ban pynwad shitom ïa u tei u rangbah uba don ka rynïeng kaba 5 phut tam eiei bad lam ïong ka snieh doh.
