Nongstoiñ, Naiwieng, 23: U Superintendent of Police jong ka West Khasi Hills District, u la pyntip ba kawei ka nonghikai skul ha Songsak ka la jah rngai naduh ka 2 tarik mynta u bnai katba ka dang leit sha skul.
Kane ka nonghikai skul ka dei kaba la tip kyrteng kum ka Kong Laidina Rongrin 27 snem ka rta, ka khun jong ka Kong Lucy Rongrin, bashong basah ha ka shnong Doronggre bad kaba hikai ha ka Holy Spirit School (Songsak).
Ka Kong Laidina Rongrin ka long kaba lieh sniehdoh, ka dei na ka jaitbynriew Khasi hynrei ka sngewthuh ruh ïa ka ktien Garo bad Hindi. Ka don ïa u shniuh uba kdor lyngkot bad tah rong ktieh bad ka ryngieng kaba jrong 5 phut. Ka phong ïa ka sopti Salwar kaba rong stem kaba kynthup ïa ka patlun bad ka sopti poh.
U SP u la kyrpad lada don kino kino kiba ïohi ne kiba ïoh jingtip shaphang jong ka Kong Lucy Rongrin kin sngewbha ban pyntip sha ki Police Station kiba hajan eh jong ki.
Na ka liang jong u SP ka West Hills District u ladep pyntip ruh sha baroh ki Police Station jong ka Meghalaya bad ki Jylla kiba marjan halor kane ka jingjah rngai jong ka Kong Laidina Rongrin.
