Jah rngai ka ‘Irrigation Project’ ha Nongnah, pan RTI ka KSU na u CE ka tnat Water Resources

0

Mawkyrwat, Jymmang 09: Ba jahrngai ka ‘Irrigation Project’ ha Shnong Nongkdait -Nongtwah (Nongnah), South West Khasi Hills District na ka liang ka Khasi Student’s Union (KSU) jong ka South West Khasi Hills District da ka RTI ka wad jingtip ban lap ïa ka jingshisha na ka Ophis Chief Engineer, Water Resources Department, Shillong.
Kum ban shu pynkynmmaw ba ïa kane ka project la dep khot tender naduh u snem 2018/19 hynrei kaba sngewsih ka long ba haduh mynta watla la jan dap 5 snem ei ei ïa kane ka projek ym pat shym la lah ban pyndep.
Namarkata, da ka jingsngewkhia bad hadien ka jingujor na ki nongshong shnong, na ka liang ka KSU jong ka South West Khasi Hills District ka la rai ban wad jingtip bha khnang ban sngewthuh shai hashwa ban leh ïa kaba donkam.
Ka KSU ka la buh ruh ïa ka jingkylli ba kaei ba ka sorkar ka thmu halor kane ka skhim “la ka la dep weng ne kan leh kumno naba ka la pynsahteng mynta la kumba 5 snem kynthih?

Leave A Reply

Your email address will not be published.