Shillong, Naitung 21: Ka khubor ba la ïoh na ki pulit la ïathuh ba ka Sengmitchi T Sangma ka la phah ka jingujor ba ka step jong ka 5 tarik mynta u bnai, ka scooter jong ka kaba don u nombar ML-08H-3956 la shem ba ka la jah napoh ka sem jong kaba don ha Duragre, Rongkon (WGH).
Ha kawei pat ka jingjia ki pulit ki la ïathuh ba u Silang Ch Marak u la phah ka jingujor ba ha ka nohphai sngi jong ka 18 tarik mynta u bnai ka thuk thuk jong u kaba don u nombar ML-13-4569 ka la jah napoh ka ïew Jengjal (WGH).
