Jowai, Rymphang 27: Ka Jaiñtia Fishing and Environmental Protection Association (JFEPA) kum shi bynta ban pyndep ïa ki kam sahteng kaba la slem bha na ka bynta ban wanrah ïa ka jingsuk ïa ki nongkhwai dohkha bad ïaki trai hali kba na ka por sha ka por bad ban pynitynnat ruh ïaki bynta ka Wah Myntdu ha Ram pyrthai .
Ka Association hadien ka jingïoh jingbit na ka tnad PHE lyngba ophis jong u Executive Engineer PHE Electrical Division naduh hynnin ka sngi ha ka por mynstep kila pyrshang ban ban sei ïa ka lieng jong ka PHE kaba la sah hapoh kane ka thwei la kumba 39 tylli ki snem hynrei mynta ka sngi 29 tarik u Rymphang, 2024 la lah ban sie noh ïa katei ka lieng sarang da kaba pyndonkam daka puh shilum (JCB).
Kane ka jing pyrshang jong ka seng ban sei ïa katei ka lieng ka long shi bynta ban ïarap kat ka bor halor kiba bun ki jingkyrpad ba la ïoh na ki trai hali bad kumjuh na ki nongkhwai kaba la wan sha ki tyndong skor ka seng na ka por sha ka por,.
Ïa katei ka lieng la sei da ka jingïarap lang u u Side Engineer ba pyntrei ïa ki In-Situ dam kiba don ha baroh ki liar kiba tuid sha ka Wah Myntdu lyngba ka jingbthah jong ka NGT.
Halor kane ka JF&EPA lyngba u President bad u Secretary kila buh ïa ka jingkyrpad rit ïa baroh ban long kiba ïatreilang bad ka seng, naka bynta ka bha ka mait jong ki doh um doh wah kiba don haka Wah Myntdu baroh kawei khnang ba kan wanrah ïa ka jingsngewtynnad ïaki paidbah jong ki Shnong kiba don ha sawdong ka sor Jowai.
