Shillong, Naiwieng, 11: Ka Kong Greatmercy Langte, kaba dei na ka shnong Nongnah kaba hap hapoh ka South West Khasi Hills District ka la ïoh phong ïa ka pansngiat Spark Mrs Northeast India 2023 kaba long ka rynsan ïakop thei bhabriew hapoh kane ka thaiñ Shatei Lammihngi kaba la long ha nongbah Guwahati ha ka 4 tarik mynta u bnai.
Ka Kong Greatmercy Langte ka dei ka khun jong ka Kong Kasmutia Langte bad u Bah Sranningstar Paliar na ka shnong Domsohkhai-Nongnah, South West khasi Hills District.
Ha kane ka rynsan ïakob ki 8 ngut ki nongjop ha ki kyrdan bapher bapher na artylli ki Category A bad B (age wise) bad napdeng ki nongïashim bynta ka kong Greatmercy Langte ka la jop ïa ka Mrs Northeast India Brand Ambassador (WINNER) Print Model.
Kumban shu pynkynmaw ka Kong Greatmercy Langte ka dei ruh kawei na ki nongrwai kaba la jop bad ïoh ïa ka nam “Best Performance of the Day” (Singing category) ha ka rynsan jong ka Meghalaya Superstar Season-2 ha u snem 2016 da kaba ïoh rah ruh ïa ka nam “Miss Popular” ha ka rynsan “Fashion Wizard Mega Model Hunt 2019” bad ka nam ,”Miss India’s Goodness Ambassador” ha ka rynsan “Miss India Black Carpet 2019”..
Ka Kong Greatmercy ka la ïohlad ban ïashim bynta ha ka Loreal Hair Show kaba la long ha Hotel Blue Raddison, Guwahati ha u snem 2019 bad ka la poi ruh sha ka jingïakob phainal ha ka rynsan Mrs. Super Mom 2023. Ha kajuh ka por ka dei ruh ka dkhot jong ka All Meghalaya Dancer Association (AMDA).
