Shillong, K’lyngkot, 18: Watla ka elekshon sha ka iingdorbar thawaiñ ka jylla ka dang kham shimpor sa katto katne por, u Chief Electoral Officer (CEO) jong ka Jylla u Bah Federick Roy Kharkongor ha ka sngi Baar u la ïoh pdiang ïa ka jingujor na uwei na ki nongshong shnong ka Moolang, East Jaiñtia Hills District ba ka don ka jingshah leh donbor bad ka jingshah byrngem jong ki nongthep vote ha ki shnong kiba hap hapoh ka Rymbai Polling Station, Khliehriat Constituency, East Jaiñtia Hills District.
Ha kaba ïadei bad kane, u Bah Federick Roy Kharkongor ula ïathuh ba un sa lum jingïalang ïa ki Deputy Commissioner jong ki District ka Jylla lashai ka sngi Palei khnang pynthikna ba ka jingthep vote ban jied ïa ki nongmihkhmat sha ka Iingdorbar Thawaiñ ka jylla ka ban sa long ha ka 27 tarik u Rymphang, 2023 kan long kaba ïaid beit ïaid ryntih.
