Ïoh Nongkitkam ka HANM Laskeiñ Circle WJHD

0

Jowai, Ïaïong 01: Ki nongïalam ka Hynñiewtrep Achik National Movement (HANM), Jaiñtia Zone mynta ka sngi 01.04.2023, kila ïoh ban pynthymmai ïa ki nongkit kam jong ka Laskeiñ Circle WJHD, haka jingialang kaba la pynlong ha Infinity Hall Mooralong Jowai.
Ïa kitei ki nongkitkam la pynbam smai da u Working President ka seng HANM Jaiñtia Zone, ha ka jingsakhi lang u President HANM Jaiñtia Zone ma Shaniahlang Suchen, General Secretary HANM Jaiñtia Zone u bah Wankishwa Mawlong, Publicity Secretary Arki Litan bad kiwei de ki dkhot
Ki nongkitkam bathymmai ka HANM Laskeiñ Circle ki kynthup ïa u President Eborlang Phawa, Vice President Desa Rabon, General Secretary Yooki Shylla, Aissistant General Secretary lem bad kiwei de ki dkhot ka Executive Committee rynkat ki dkhot.
Na ka liang u President u ma Shahniah haba kren u la ong bad pynsngewthuh ïa ki dkhot thymmai ba haba ki rung sha kane ka seng ki dei ban sngewthuh ba ym dei na ka bynta ka jingïoh nong ne ïoh kamai ïalade hynrei haba rung sha kano kano ka kam treimon sngewbha ka long na ka bynta ban trei ïa ka jingdonkam jong ka jaitbynriew bad ka ri. U ma Shaniah u la kdew ruh ïa ka bhah ïohkam ïohjam hapoh ka jylla jong ki kam long salonsar hapdeng ki Garo bad ki paid Khasi Jaiñtia haba kiba bun ki leit tang sha Garo.
Shuh shuh u ma Shaniah ula pynrem ïa kane ka sorkar kaba la dep bad mynta ruh, ha ka jingïadei ban pynshna ne maramot ïa ki surok ruh ki paidbah lane ki kynja seng ki hap ban file da ka PIL sha High Court, da kaba u la ong balei ka sorkar kam don khmat mo ban peit ïa ki jingeh jong ki paidbah, da kaba ula pynpaw ruh shibun ki kam ki jam kiba kane ka sorkar kam shym la leh na ka bynta ka jingmyntoi jong u paidbah.

Leave A Reply

Your email address will not be published.