Ïoh kurup drok heroin ki pulit Ri Bhoi ba shongdor kumba 1.2 klur na Byrnihat

0

Nongpoh, Kyllalyngkot 19: Da ka jingpeitngor bad ka jingtrei shitom ki Pulit ka Ri Bhoi, ki Pulit ka Ri Bhoi mynta ka janmiet ki la ioh ba kurup ïa u drok Heroin ba shong dor T. 1.2 klur na ki ar ngut ki nongkhaïi drok na Byrnihat.
Ki pulit ka Ri Bhoi ki la ioh ban kurup ïa utei u drok Heroin ha ka por 7 baje ei ei hynnin ka janmiet jong ka sngi Balang hadien ba ki la pynap shrip ïa kawei ka Kali kaba wan na Guwhati bad thmu ban leit sha Shillong halor ka jingsuba ba ki don kti ban khaïi Drok.
Kumba la ioh lum jingtip na u Heh Pulit ka Ri Bhoi, u Giri Prasad, u la ïathuh ba ki la ioh ban kurp ïa katei ka Kali ryngkat u drok heroin, ka dei hadien ba ki la sub aba don ar ngut kiba thmu ban wan shalan tuh ïa u drok sha Shillong.
Da ka jingpynap shrip ha Byrnihat Police Outpost, ki Pulit ka Ri Bhoi ki la ioh bat ïa kawei ka Kali Etios kaba don ïa u number ML 05 N 2033 bad la ioh kem ruh ar ngut kiba suba don kti ban shalan ïa une u drok heroin, ong utei u Heh pulit ka Ri Bhoi.
U la ïathuh ruh ba nalor u drok Heroin la ioh kurup ruh 2 tylli ki mobile phones, kawei ka ATM bad kitei ki ar ngut pat kiba la ioh kem la tip kyrteng kum ka Abigail Vanpari Vanchhawng, kaba dei na Nongrim Hills, East Khasi Hills bad u Rintu Ghanshyam Saikia na Malad, West Mumbai.
Hadien ba la ioh kurup ïa u drok Heroin la kem noh ïa kitei ki ar ngut ban pynlong ïa ka jingtohkit bad la pynngat ruh ïa ki ha ka NDPS act ban pynshitom halor kane ka jingdon kti ban khaïi beain ïa utei u drok Heroin, ong utei u heh Pulit ka Ri Bhoi, u Giri Prasad.

Leave A Reply

Your email address will not be published.