Shillong, Naiwieng 04: U Prof Pramod Tandon, u ba dei u scientist bad u Vice Chancellor barim bad ba pawnam ka North Eastern Hill University (NEHU), u la ïoh ïa ka khusnam Lifetime Achievement Award halor ki kam kiba ula sdang ban pynneh pynsah ïa ka mariang ha kane ka thaiñ shatei lammihngi ka ri India.
Ïa kane ka khusnam la ai ti sha u Tandon da ka University of Science and Technology, Meghalaya (USTM) ha ka prokram National Conference on Botany kaba la long ha ka sngi baar.
Kane ka jingïalang ka don ïa ka thong ban kyntiew ïa ki kam wadbniah ha kaba ïadei bad ka mariang bad kiwei kiwei ki kam.
Katba u Prof GD Sharma, Vice Chancellor ka USTM, u la ïohpdiang ïa ka Birbal Sahni Foundation Award halor ki kam ban oh synniang ïa ki kam jaka pule.
Ha kane ka sngi la donlang Dr. Kanad Das, Director ka Botanical Survey of India, Prof BS Kholia, President of the Indian Fern Society, bad Prof SP Khullar, Secretary ka Indian Fern Society, bad kiwei kiwei.
