Ïoh khusnam MSM u Lathindro D. Sangma ka Civil Defence halor ki kam shakri ïa ka ri

Shillong, Nailar 14: Ha ka sngi rakhe ïa ka sngi Laitluid kaba mynta u snem, u Havildar Lathindro D. Sangma, Civil Defence and Home Guards, Meghalaya, u la shah pynkup burom da ka Medal for Meritorious Service (MSM) kaba kyrpang halor ki jingaiti jong u ïa ka kam, ka jingshlur bad ka jingaiti ïa la ka jong ka kamram, bad ki kam shakri naduh mynsiem ïa la ka jong ka ri.
Katkum ki jingïakren ba la ïohpdiang napoh ka Ministry of Home Affairs, ka sorkar pdeng, u Havildar Sangma u la long uwei napdeng ki 18 ngut ki nongïohpdiang ïa ka khusnam na ka Civil Defence & Home Guards na kylleng jong ka ri. Ki ban ïohpdiang ïa ki medal halor ki kam shakri bad ki gallantry medal ki long na ki 4 tylli ki kynhun kiba kynthup na ka tnat pulit, Fire Service, Home Guard & Civil Defence bad Correctional Service bad baroh ki long 664 ngut.
U Havildar Lathindro D Sangma u la shakri kum u Havildar Instructor hapoh ka District Training Centre, Home Guards, West Garo Hills, Tura, ong ka kyrwoh ba la phah da u Bah P.H. Shylla, Senior Staff Officer & PRO Directorate of Civil Defence & Home Guards, Meghalaya, Shillong.