ïoh khusnam ka buit pynïap khnai u Bah Deibormi Dhar ha ka jingpyni Tableau

0

Khliehriat, K’lyngkot, 28: Ka tnat ka Rep ka Riang ha East Jaiñtia Hills District ka la ïohrah ïa ka nam lahduh halor ka jingpyni ïa ka Dung Bilor Rodent Bait ka buid ban pynïap ïa ki khnai ba la lap da u District Horticulture Officer (DHO) ka East Jaiñtia Hills District u Bah Deibormi Dhar.
Kum ban shu pynkynmaw ïa kane ka buit pynïap khnai la pyllait paidbah ha ka 20 tarik, Nailur, 2024 da ka Director jong ka tnat Horticulture ka Kong D.Sohtun.
Kane ka jingjop ha kane ka jingpyni nam ka la pynkmen shikatdei eh ïa ki nongtrei jong ka tnat Horticulture, Agriculture East Jaiñtia Hills District bad lah ban ong ruh ba kane ka khusnam ka dei ka District Level Prize ba la ai da ki bor synshar na ophis u Deputy Commissioner ka East Jaiñtia Hills District.
U Bah Deibormi Dhar u la ïathuh ba bunsien u la pyrshang ban wad ki lad ki lynti ban pynïap ïa ki khnai ne ban pynduna ïa ka jingkha roi ki khnai, namar ba ki khnai ki dei ki jait jingthaw kiba ju wan pynjulor ïa ki jingthung jingtep jong ki paidbah nongrep.

Leave A Reply

Your email address will not be published.