Ïoh ka Meghalaya Chess Association ïa ki nongkitkam ba thymmai

0

Shillong, Kyllalyngkot 29 : Ka Meghalaya Chess Association (MCA) ka la ïoh ban jied thymmai ïa ki nongkitkam na ka bynta ka samoi treikam 2023-23 ha ka jingjied kaba la pynlong ha Govt. Girl’s Higher Secondary School, Shillong ha kaba la wan ban ïashim bynta da ki district kiba la pynïasoh sha ka Association.
Ki nongkitkam ba thymmai jong ka MCA ki kynthup u Bah K.M. Warjri (EKHDCA) u la shah jied kum u President bad u la jop suk ruh khlem da don ba ïakhun pyrshah, u Bah Khrawkupar Pajat (EKHDCA) u la shah jied kum u General Secretary uba la jop pyrshah ïa u Bah Bonney Jones Kharbani (WKHDCA) uba dei u General Secretary barim.
La ïoh ruh ban jied arngut ki Vice-President ba kynthup u Bah Frank H. Nongrum (RBDCA), Dravid G. Marak (SGHDCA), ki Joint Secretary kiba la shah jied ki kynthup u Tengrang Sangma (GHCA) bad Richard Sun (WKHDCA). Ïa ka kam Publicity Secretary la jied ïa u Bah Rijied Katrai (EKHDCA).
Ka MCA ka la jied ruh hynriew ngut ki dkhot sha ka Executive Committee ba kynthup u Paiadaohi Lhuid (JHDCA), Dapmon Bang (JHDCA), Silseng N. Marak (SGHDCA), samla Sumar S. Khonglah (EKHDCA) bad Toteinam L. Marshilong (WKHDCA).
Kane ka long katkum u kyrwoh khubor na u Bah Rijied Katrai Publicity Secretary jong ka Meghalaya Chess Association (MCA).

Leave A Reply

Your email address will not be published.