Shillong, Risaw 10: Ka Jylla Meghalaya ka la ïoh pdiang ïa ka khajna kaba 1367 klur na ka sorkar pdeng na ka bynta ban pyntyllun ïa ki kam pynroi bad ki prokram tamasa ki ban long ha kine ki bnai ban dangwan.
Ha kaba ïadei bad kane ka Sorkar Pdeng ka la pyllait ïa ka bynta jong ka khajna kaba T 1,78,173 klur sha ki Sorkar Jylla ha ka 10 tarik u Risaw, 2024, ha ka jaka ka jingpyllait man ka bnai ïa T 89,086.50 klur. Kane ka kynthup ïa kawei ka jingai lypa ïa ka bynta, ha ryngkat ïa kaba dei ban ïoh na ka bynta u Risaw, 2024.
La ong ba kane ka jingpyllait pisa ka dei namar ka samoi jong ki tamasa ban wan bad ban plié lad ïa ki Sorkar Jylla ba kin pynsted ïa ka jingpynlut pisa bad pynbiang pisa ïa ka roi ka san bad ka bha ka miat.
