ïoh jinghikai 4 ngut ki nongïalehkai gymnast ka jylla lyngba ka coaching camp ba nyngkong ha NE

Shillong, Naitung 15: Ka Meghalaya Gymnastics Association ka dang don mynta ha ka jingpynkhreh ban pynrung ïa ka jingïalehkai ‘Rhythmic Gymnastic’ ha ka jylla.
Saw ngut ki nongïalehkai Gymnast ka jylla kiba dang pyntbit ïalade da kaba kilanmet – ba kynthup ïa ka Iwamarbud Nongkynrih, ka Larihun Rosamystica, ka Paleihun Malngiang bad ka Agnes Lyngdoh – ki la ïashimbynta ha ka coaching camp kaba nyngkong eh ha kane ka thaiñ shatei lammihngi na ka bynta ka rythmic gymnastic, kaba la sdang naduh ka 2 tarik haduh 10 tarik Naitung ha Nagaon, ba la pynlong da ka Assam Gymnastics Association.
Ha katei ka coaching camp ka kynhun Meghalaya ki la ïoh nam kum ka Best Discipline team.
Ka MGA ka la pynkhih bad pynshohbiej ïa ki nongpeitkai lyngba ka jinglah jong ki, ba kynthup naduh ka kilanmet ha madan, ka vault, uneven bars, rings, parallel bars, bad kiwei kiwei.
Ha kawei pat ka liang, ka Rhythmic gymnastics, ka dei ka jingïalehkai kaba la pynïasohlang ïa ki jinglehkai, kum ka shad bad kaba pyndonkam ïa ki hoop, ki bol, ki club, ki ribon bad ki tyllai. Ha ka kyrdan jong ka pyrthei, ka jingïalehkai rhythmic gymnastic ka dei ka jingïalehkai kaba dei tang jong ki kynthei.